കോല്‍ക്കത്ത പോലീസ് അസിസ്റ്റന്റ് കമ്മീഷണര്‍ കോവിഡ് ബാധിച്ചു മരിച്ചു
കൊല്‍ക്കത്ത: കൊല്‍ക്കത്തയിലെ മുതിര്‍ന്ന പോലീസ് ഉദ്യോഗസ്ഥന്‍ കൊവിഡ് ബാധിച്ച്‌ മരിച്ചു. അസിസ്റ്റന്റ് കമ്മീഷണര്‍ ഉദയ് ശങ്കര്‍ ബാനര്‍ജി(50) ആണ് മരിച്ചത്.
കൊല്‍ക്കത്തയിലെ സ്വകാര്യ ആശുപത്രിയിലായിരുന്നു അന്ത്യം. ഉദയിന്റെ മരണത്തില്‍ കൊല്‍ക്കത്ത പോലീസ് കമ്മീഷണര്‍ അനുജ് ശര്‍മ്മ ദുഖം പ്രകടിപ്പിച്ചു. അദ്ദേഹം കൊവിഡ് രക്തസാക്ഷിയാണെന്നും ശര്‍മ്മ പറഞ്ഞു.
കോല്‍ക്കത്ത പോലീസ് സെന്‍ട്രല്‍ ഡിവിഷനിലാണ് ഉദയ്ശങ്കറിനെ പോസ്റ്റ് ചെയ്തിരുന്നത്. ഈ മാസം പതിനാലിനു രോഗലക്ഷണങ്ങളെതുടര്‍ന്ന് ഉദയ്ശങ്കറിനെ കോല്‍ക്കത്തയിലെ വിശുദ്ധാനന്ദ ആശുപത്രിയില്‍ പ്രവേശിപ്പിച്ചെങ്കിലും ആരോഗ്യനില വഷളായതോടെ ദേസന്‍ ആശുപത്രിയിലേക്കു മാറ്റി. ഇതിനുശേഷം വെന്‍റിലേറ്റര്‍ സഹായത്തോടെ ജീവന്‍ നിലനിര്‍ത്തിയിരുന്നത്.