ച​ങ്ങ​നാ​ശേ​രി ന​ഗ​ര​സ​ഭാ തെ​ര​ഞ്ഞെ​ടു​പ്പി​ല്‍ യു​ഡി​എ​ഫി​നു ജ​യം

കോ​ട്ട​യം: ച​ങ്ങ​നാ​ശേ​രി ന​ഗ​ര​സ​ഭ ചെയർമാൻ തെ​ര​ഞ്ഞെ​ടു​പ്പി​ല്‍ യു​ഡി​എ​ഫ് സ്ഥാ​നാ​ര്‍​ഥി സാ​ജ​ന്‍ ഫ്രാ​ന്‍​സി​സ് വി​ജ​യി​ച്ചു. 16 വോ​ട്ടു​ക​ള്‍​ക്കാ​ണ് സാ​ജ​ന്‍ ഫ്രാ​ന്‍​സി​സ് ജ​യി​ച്ച​ത്. എല്‍ഡിഎഫ് പിന്തുണച്ച കോണ്‍ഗ്രസ് വിമതന്‍ സജിതോമസിന് 15 ഉം ബിജെപി സ്ഥാനാര്‍ഥിക്ക് നാലും വോട്ട് ലഭിച്ചു. 

എല്‍ഡിഎഫിന്റെ 12 അംഗങ്ങള്‍ക്കൊപ്പം സ്ഥാനാര്‍ഥിയുടെ വോട്ട് കൂടി ലഭിക്കുമ്ബോള്‍ 13 വോട്ട് ലഭിക്കും. കേരളാ കോണ്‍ഗ്രസ് മാണി വിഭാഗവും നാല് കോണ്‍ഗ്രസ് വിമതന്‍മാരും പിന്തുണച്ചാല്‍ ഭരണം നിലനിര്‍ത്താനാകുമെന്നായിരുന്നു എല്‍ഡിഎഫിന്റെ കണക്ക്കൂട്ടല്‍. എന്നാല്‍ നാല് വിമതന്‍മാരില്‍ രണ്ട് വോട്ടുകള്‍ മാത്രമാണ് എല്‍ഡിഎഫിന് ലഭിച്ചത്. ഒരു വോട്ട് അസാധുവാകുകയും ചെയ്തു.

അതേസമയം,എ​ല്‍​ഡി​എ​ഫ് സ്ഥാ​നാ​ര്‍​ഥി​ക്ക് വോ​ട്ടു ചെ​യ്ത രണ്ടുപേർക്കെതിരെന​ട​പ​ടി​യു​ണ്ടാ​കു​മെ​ന്ന് കോ​ണ്‍​ഗ്ര​സ് നേ​തൃ​ത്വം അ​റി​യി​ച്ചു.

യുഡിഎഫിന് ഭൂരിപക്ഷമുള്ള കൗണ്‍സിലില്‍ ധാരണ അനുസരിച്ചാണ് ഭരണ മാറ്റം നടക്കുന്നത്. നേരത്തെ ചെയര്‍മാന്‍ സ്ഥാനം കേരളാ കോണ്‍ഗ്രസ് മാണി വിഭാഗത്തിനായിരുന്നു. കേരള കോണ്‍ഗ്രസിലെ പിളര്‍പ്പിനെ തുടര്‍ന്ന് ചെയര്‍മാന്‍ സ്ഥാനത്തെ ചൊല്ലി തര്‍ക്കമുണ്ടായിരുന്നു.

നഗരസഭയിലെ 37 അംഗങ്ങളലില്‍ 36 പേര്‍ തെരഞ്ഞെടുപ്പില്‍ വോട്ട് രേഖപ്പെടുത്തി. ഭരണസമിതിയില്‍ യുഡിഎഫ് 18, എല്‍ഡിഎഫ് 12, ബിജെപി 4, സ്വതന്ത്രര്‍ 3 എന്നിങ്ങനെയായിരുന്നു കക്ഷിനില.