കേന്ദ്ര പാക്കേജ് പ്രയോഗികമെല്ലെന്ന് മന്ത്രി തോമസ് ഐസക്ക്

തിരുവനന്തപുരം:കേന്ദ്രം പ്രഖ്യാപിച്ച 20 ലക്ഷം കോടി രൂപയുടെ പ്രത്യേക സാമ്പത്തിക പാക്കേജ് ​ പ്രായോഗികമല്ലെന്ന്​ ധനമന്ത്രി തോമസ്​ ഐസക്​. രാജ്യം നേരിടുന്ന പ്രധാന പ്രശ്​നം ആരുടെയും കയ്യില്‍ പണമില്ലാത്തതാണ്​. അതിനാല്‍ അടിയന്തരമായി ജനങ്ങളുടെ കൈയില്‍ പണമെത്തിക്കുകയായിരുന്നു ചെയ്യേണ്ടത്​.നഗരങ്ങളില്‍ 80 ശതമാനം പേര്‍ക്ക്​ തൊഴില്‍ നഷ്​ടമുണ്ടായി.

അന്ന്​ പ്രഖ്യാപിച്ച 1.70 കോടി രൂപയുടെ പാക്കേജില്‍ സാധാരണക്കാര്‍ക്കുള്ള പദ്ധതികള്‍ ഒതുങ്ങി. സര്‍ക്കാര്‍ ഖജനാവില്‍ 30,000 കോടി മാത്രമാണുള്ളത്​. ഏറ്റവും വലിയ പ്രഖ്യാപനം മൂന്നു ലക്ഷം കോടി വായ്​പ സര്‍ക്കാരി​​െന്‍റ അക്കൗണ്ടില്‍നിന്നല്ല, പകരം ബാങ്കുകളാണ്​ നല്‍കുന്നത്​. ഇത്തരത്തിലാണോ 20 ലക്ഷം കോടി രൂപയുടെ കണക്കൊപ്പിക്കുന്നതെന്നും ധനമന്ത്രി പറഞ്ഞു.

ചെറുകിട സ്​ഥാപനങ്ങള്‍ നേരിടുന്ന പ്രധാന പ്രശ്​നം വായ്​പകളുടെ തിരിച്ചടവാണ്​. മൂന്നു മാസത്തെ മൊറ​ട്ടോറിയം പ്രഖ്യാപിച്ചിരുന്നു. മൂന്നു മാസംകൂടി വീണ്ടും നീട്ടി നല്‍കുകയും ചെയ്​തു. എന്നാല്‍ ഈ കാലയളവിലെ പലിശ കേന്ദ്രസര്‍ക്കാര്‍ തന്നെ വഹിക്കണമായിരുന്നു. സംസ്​ഥാന സര്‍ക്കാരി​​െന്‍റ ഈ ആവശ്യം പരിഗണിച്ചില്ല. കേന്ദ്ര പാക്കേജില്‍ വ്യക്തത വരുത്താന്‍ ധനമന്ത്രിക്കായില്ലെന്നും തോമസ്​ ഐസക്​ പറഞ്ഞു.