കേരള എന്‍ട്രന്‍സ് ജൂലൈ 16ന്
തിരുവനന്തപുരം:ഈ വര്‍ഷത്തെ കേരള എന്‍ജിനീയറിംഗ് ആര്‍ക്കിടെക്ചര്‍ മെഡിക്കല്‍ പ്രവേശന പരീക്ഷകള്‍ (KEAM) ജൂലൈ 16ന് രാവിലെയും ഉച്ചയ്ക്കുമായി നടത്തുമെന്ന് മുഖ്യമന്ത്രി പിണറായി വിജയന്‍.
കീം പരീക്ഷകള്‍ക്ക് അപേക്ഷിച്ചിട്ടുള്ള കേരളത്തിന് പുറത്തുള്ള വിദ്യാര്‍ഥികള്‍ക്കും കേരളത്തിന് പുറത്ത് രജിസ്റ്റര്‍ ചെയ്തിട്ടുള്ള വിദ്യാര്‍ഥികള്‍ക്കും പരീക്ഷാ കേന്ദ്രങ്ങള്‍ മാറ്റാന്‍ ഒരവസരം കൂടി നജൂണ്‍ മാസത്തില്‍ നല്‍കും.
ജൂണ്‍ 13, 14 തീയതികളില്‍ മൂന്ന്, അഞ്ച് വര്‍ഷ എല്‍എല്‍ബി പരീക്ഷകള്‍ നടത്തും. ജൂണ്‍ 21ന് എംബിഎ, ജൂലായ് നാലിന് എംസിഎ പരീക്ഷകളും ഓണ്‍ലൈന്‍ മുഖേന നടത്തും.
പോളിടെക്‌നിക്കിന് ശേഷം ലാറ്ററല്‍ എന്‍ട്രി വഴിയുള്ള എന്‍ജിനീയറിങ് പ്രവേശനത്തിന് പ്രത്യേക പ്രവേശന പരീക്ഷ ഉണ്ടാകില്ല. മാര്‍ക്കിന്റെ അടിസ്ഥാനത്തിലായിരിക്കും ഇത്തവണത്തെ പ്രവേശനം. പോളി ടെക്‌നിക്ക് വിദ്യാര്‍ഥികള്‍ക്ക് വീടിന് അടുത്തുള്ള പോളി ടെക്‌നിക്കുകളില്‍ പരീക്ഷ എഴുതാനുള്ള അവസരം നല്‍കും. പോളി ടെക്‌നിക് കോളജുകളിലെ അവസാന സെമസ്റ്റര്‍ പരീക്ഷകള്‍ ജൂണ്‍ ആദ്യ വാരം ആരംഭിക്കാന്‍ തീരുമാനിച്ചതായും മുഖ്യമന്ത്രി കൂട്ടിച്ചേര്‍ത്തു.