‘ബെവ് ക്യു’:ആപ്പിന് പേരായി
കോഴിക്കോട്: സംസ്ഥാനത്ത് മദ്യ വിതരണത്തിനായി ബിവറേജസ് കോര്‍പ്പറേഷന്‍ തയ്യാറാക്കിയ ഓണ്‍ലൈന്‍ ബുക്കിങ്ങിനുള്ള ആപ്പിന് പേരായി. ബെവ് ക്യു (Bev Q) എന്നാണ് ആപ്ലിക്കേഷന് പേര് നല്‍കിയിരിക്കുന്നത്. കൊച്ചി ആസ്ഥാനമായ സ്ഥാപനമാണ് ആപ്ലിക്കേഷന് പിന്നില്‍. ആപ്ലിക്കേഷന് തയ്യാറാക്കി ഗൂഗിൾ പ്ലേ സ്റ്റോറില്‍ അപ്ഡേറ്റ് ചെയ്യുന്ന പ്രവൃത്തി നടന്നുകൊണ്ടിരിക്കുകയാണ്. ഇത് പൂര്‍ത്തിയാവുന്നതോടെ ഉടനെ ആവശ്യക്കാര്‍ക്ക് പ്ലേ സ്റ്റോറിൽ ഡൗണ്‍ലോഡ് ചെയ്തെടുക്കാനാവും. ആപിന് ഇതുവരെ ഗൂഗിളിന്‍െറ അനുമതി ലഭിച്ചിട്ടില്ല. ഐ ഫോണുകളില്‍ ആപ്ലിക്കേഷന് ആപ് സ്റ്റോറില്‍ നിന്നും ഡൗണ്‍ലോഡ് ചെയ്യാം. കൊച്ചി ആസ്ഥാനമായ സ്ഥാപനമാണ് ആപ്ലിക്കേഷന് നിര്‍മ്മിച്ചിരിക്കുന്നത്.
ജി.പി.എസ് സംവിധാനം ആപ്ലിക്കേഷനില്‍ ഉപയോഗപ്പെടുത്തിയിട്ടുണ്ട്.ഉപഭോക്താക്കള്‍ക്ക് ഏറ്റവും അടുത്തുള്ള ബാര്‍, ബെവ്‌കോ, കണ്‍സ്യൂമര്‍ ഫെഡ്, ബിയര്‍ ആന്റ് വൈന്‍ പാര്‍ലര്‍ എന്നിവിടങ്ങളില്‍ നിന്ന് മദ്യം വാങ്ങാം. ആപ്പ് വഴി ബുക്ക് ചെയ്യുമ്ബോള്‍ ഉപയോക്താക്കള്‍ക്ക് മദ്യം വാങ്ങാനുള്ള ടോക്കണ്‍ ലഭിക്കും. ടോക്കണില്‍ രേഖപ്പെടുത്തിയിട്ടുള്ള സമയമനുസരിച്ച്‌ ഉപഭോക്താക്കളുടെ ഏറ്റവും അടുത്തുള്ള ബീവറേജ് കോര്‍പറേഷന്‍ ഔട്ട്ലറ്റുകള്‍ വഴി മദ്യം ലഭിക്കും. ഒരാള്‍ക്ക് പരമാവധി 3 ലീറ്റര്‍ വരെ മദ്യമാണ് ലഭിക്കുക. ബാറുകളില്‍നിന്നടക്കം സര്‍ക്കാര്‍ വിലയ്ക്ക് മദ്യം ലഭിക്കും. മദ്യം വാങ്ങാനെത്തുന്നവര്‍ മാസ്‌ക് ധരിക്കണം, സാമൂഹിക അകലം പാലിക്കണം.അതേസമയം, ബാറിലിരുന്ന് മദ്യപിക്കാന്‍ അനുമതിയില്ല.