ആ പാദങ്ങൾ കണ്ടതിന്റെ നടുക്കം മാറിയിട്ടില്ല. ഇപ്പോഴും മനസ്സിനെ വേട്ടയാടിക്കൊണ്ടിരിക്കുന്നു. വിണ്ടുകീറി, പൊട്ടിപ്പൊളിഞ് കൊയ്ത്തു കഴിഞ്ഞ പാടം കണക്കേ തോന്നിച്ചു. എന്തൊരു അലച്ചിൽ…ഡൽഹിയിൽ നിന്ന് UP യിലേക്ക്, മുംബൈയിൽനിന്ന് ബീഹാറിലേക്ക് ഗുജറാത്തിൽനിന്ന് മധ്യപ്രദേശിൽലേക്ക്… കിലോമീറ്ററുകൾ താണ്ടിയുള്ള യാത്ര.കൂടുതേടി, ഊരുതേടിയുള്ള അനന്തമായ പ്രയാണം. പാളങ്ങളിൽ കൂടി, പാതയോരങ്ങൾ ചേർന്ന്, കാട്ടിലൂടെ, വിജനതയിലൂടെ നിലക്കാത്ത പ്രവാഹം. ഒറ്റ ലക്ഷ്യം: വീടിന്റെ ഉറപ്പിൽ, സുരക്ഷയിൽ അന്തിയുറങ്ങുക. കാത്തിരിക്കുന്ന ഒരാൾ ഉണ്ടെന്ന വിശ്വാസത്തിൽ ഒരു നടപ്പ്. കത്തുന്ന വെയിലി നോ, കോച്ചുന്ന തണുപ്പിനോ, […]