ക​രി​പ്പൂ​ര്‍ വി​മാ​നാ​പ​ക​ടം:പൈലറ്റ് ഉൾപ്പെടെ പതിനാല് പേർ മരിച്ചു

കോ​ഴി​ക്കോ​ട്: ക​രി​പ്പൂ​രി​ല്‍ എ​യ​ര്‍ ഇ​ന്ത്യ വി​മാ​നം റ​ണ്‍​വേ​യി​ല്‍ തെ​ന്നി​മാ​റി താ​ഴ്ച​യി​ലേ​ക്ക് മ​റി​ഞ്ഞു​ണ്ടാ​യ അ​പ​ക​ട​ത്തി​ല്‍ പൈ​ല​റ്റ് ഉൾപ്പെടെ പതിനാല് പേരുടെ മരണം ഔദ്യോഗികമായി സ്ഥിരീകരിച്ചു. പൈ​ല​റ്റ് ദീ​പ​ക് വ​സ​ന്ത് ആ​ണ് മ​രി​ച്ച​ത്. ഇ​ദ്ദേ​ഹ​മ​ട​ക്കം ര​ണ്ട് പൈ​ല​റ്റു​മാ​രും മ​റ്റ് നാ​ല് ജീ​വ​ന​ക്കാ​രു​മാ​ണ് ഉ​ണ്ടാ​യി​രു​ന്ന​ത്. നി​ര​വ​ധി പേ​ര്‍​ക്ക് പ​രി​ക്കേ​റ്റി​ട്ടു​ണ്ട്. കോഴിക്കോട് സ്വദേശികളായ രാജീവ്, ഷറഫുദ്ദീൻ കുന്നമംഗലം എന്നിവരാണ് മരിച്ച മറ്റ് രണ്ടുപേർ

ലാൻഡിങ്ങിനിടെയാണ് അപകടം. വിമാനം രണ്ടായി പിളർന്നു. ഇന്ന് രാത്രി 8 മണിയോടെയാണ് സംഭവം. കൊണ്ടോട്ടി- കുന്നുംപുറം റോഡിൽ മേലങ്ങാടി വഴിയുള്ള ക്രോസ് ബെൽറ്റ് റോഡിന്റെ ഭാഗത്തേക്കാണ് വിമാനം വീണത്. 190 യാത്രക്കാരാണ് വിമാനത്തിൽ ഉണ്ടായിരുന്നത്.1344 ദുബായ്–കോഴിക്കോട് വിമാനമാണ് അപകടത്തിൽപ്പെട്ടത്

ക​ന​ത്ത മ​ഴ​യി​ല്‍ ന​ന​ഞ്ഞു​കു​തി​ര്‍​ന്ന റ​ണ്‍​വെ​യി​ല്‍ വി​മാ​നം തെ​ന്നി​മാ​റു​ക​യാ​യി​രു​ന്നു. വി​മാ​നം ലാ​ന്‍​ഡിം​ഗ് പൂ​ര്‍​ത്തി​യാ​ക്കി​യ ശേ​ഷ​മാ​ണ് തെ​ന്നി​നീ​ങ്ങി​യ​ത്. ടേ​ബി​ള്‍ ടോ​പ്പ് മാ​തൃ​ക​യി​ലു​ള്ള റ​ണ്‍​വേ​യു​ടെ ഇ​രു​വ​ശ​വും നാ​ല്‍​പ​ത് അ​ടി​യോ​ളം താ​ഴ്ച​യാ​ണ്. ഇ​വി​ടേ​ക്കാ​ണ് വി​മാ​നം മ​റി​ഞ്ഞു​വീ​ണ​ത്. അ​പ​ക​ട​ത്തി​ല്‍ വി​മാ​നം ര​ണ്ടാ​യി പൊ​ട്ടി​പ്പി​ള​ര്‍​ന്നു. നി​ര​വ​ധി പേ​ര്‍​ക്ക് പ​രി​ക്കേ​റ്റി​ട്ടു​ണ്ട്. ഇ​വ​രെ വി​വി​ധ ആ​ശു​പ​ത്രി​ക​ളി​ല്‍ പ്ര​വേ​ശി​പ്പി​ച്ചു.