ബിഷപ്പ് ഡോ. ജോസഫ് കരിയില്‍ (ചെയർമാൻ, കെസിബിസി ഐക്യജാഗ്രതാ കമ്മീഷൻ) “ജീവിക്കുക എന്നാല്‍ ഓര്‍മ്മിക്കുക എന്നാണ്; ഓര്‍മ്മിക്കുക എന്നുപറഞ്ഞാല്‍ ഓര്‍ത്തുപറയുക എന്നാണ്” – ഗബ്രിയേല്‍ ഗാര്‍സ്യാ മര്‍ക്കേസ് Vivir Para Contar എന്ന തന്റെ ആത്മകഥ തുടങ്ങുന്നത് ഇങ്ങനെയാണ്. മറ്റനേകം വ്യഗ്രതകള്‍ക്കിടയിലും ജീവിതം ഓര്‍മ്മിക്കലും ഓര്‍ത്തുപറയലുമാണ്. ഓര്‍മ്മകള്‍ വിവേചനപരം (Selective) ആയിരിക്കും. അസുഖകരമായതിന്റെ അരിച്ചുമാറ്റല്‍ ഓര്‍മ്മയുടെ കാര്യത്തിലുണ്ട്. വ്യക്തി തന്റെ ജീവിതമെഴുതുന്ന ആത്മകഥയുടെ അടുത്ത് വസ്തുനിഷ്ഠതയുടെ അളവുകോലുമായി ചെല്ലാന്‍ പാടില്ല. വ്യക്തി തന്റെ ചുറ്റുപാടുകളെക്കുറിച്ചെഴുതുമ്പോള്‍ സമകാലിക ചരിത്രമുണ്ടാകും. […]