ചങ്ങാത്ത മുതലാളിമാർക്കു കിട്ടുന്ന സമ്മാനങ്ങൾക്കുള്ള വിലയാണു പെട്രോൾ, ഡീസൽ വിലവർധനയിലൂടെ ഇന്ത്യയിലെ പാവങ്ങളും മധ്യവരുമാനക്കാരും നൽകേണ്ടി വരുന്നതെന്നു കോണ്‍ഗ്രസ് നേതാവ് രാഹുൽ ഗാന്ധി
ചങ്ങാത്ത മുതലാളിമാർക്കു കിട്ടുന്ന സമ്മാനങ്ങൾക്കുള്ള വിലയാണു പെട്രോൾ, ഡീസൽ വിലവർധനയിലൂടെ ഇന്ത്യയിലെ പാവങ്ങളും മധ്യവരുമാനക്കാരും നൽകേണ്ടി വരുന്നതെന്നു കോണ്‍ഗ്രസ് നേതാവ് രാഹുൽ ഗാന്ധി.
വിവരക്കേടിനേക്കാൾ കൂടുതൽ അപകടകരമായ കാര്യം ധാർഷ്‌ട്യമാണെന്ന് ആൽബർട്ട് ഐൻസ്റ്റീൻ പറഞ്ഞിട്ടുണ്ടെന്നു ചൂണ്ടിക്കാട്ടി ലോക്ക് ഡൗണ്‍ പരാജയമായതിനെയും രാഹുൽ വിമർശിച്ചു.
ലോകത്ത് മറ്റെല്ലാ രാജ്യങ്ങളിലും കോവിഡ് കേസുകൾ കുറഞ്ഞപ്പോൾ ഇന്ത്യയിൽ കോവിഡ് രോഗികളുടെ എണ്ണം കുതിച്ചുയരുകയും സന്പദ്ഘടന തകരുകയും ചെയ്തുവെന്നു കണക്കുകളോടെ രാഹുൽ സമർഥിച്ചു. ഇന്ത്യയിൽ സന്പദ്ഘടനയുടെ തകർച്ചയും കോവിഡ് മരണനിരക്ക് ഉയരുകയും ചെയ്യുന്നതിന്‍റെ ആനിമേറ്റഡ് ഗ്രാഫും ’ഫ്ളാറ്റനിംഗ് ദ റോംഗ് കർവ് ’ എന്ന കുറിപ്പോടെ രാഹുൽ ട്വിറ്ററിൽ പങ്കുവച്ചു
.യുപിഎ കാലത്ത് ആഗോള അസംസ്കൃത എണ്ണവില ബാരലിന് 107.09 ഡോളറായിരുന്നപ്പോൾ ഡീസലിന് 55.49 രൂപയും പെട്രോളിന് 71.41 രൂപയുമായിരുന്നുവെന്ന് രാഹുൽ കണക്കുകൾ സഹിതം ചൂണ്ടിക്കാട്ടി. എന്നാൽ എൻഡിഎ ഭരണത്തിൽ അസംസ്കൃത എണ്ണവില ബാരലിന് ഇന്നലെ 76.26 ഡോളറായി താഴ്ന്നു നിൽക്കുന്പോൾ രാജ്യത്ത് ഡീസലിന് 74.62 രൂപയും പെട്രോളിന് 76.26 രൂപയുമായി കൂട്ടിയതു മോദിയുടെ സുഹൃത്തുക്കളായ കോർപറേറ്റ് മുതലാളിമാരെ സഹായിക്കാനാണെന്ന് ട്വിറ്ററിൽ രാഹുൽ ചൂണ്ടിക്കാട്ടി
.2014 മേയ് 16ന് ക്രൂഡ് ഓയിൽ ബാരലിന് 107.09 ഡോളറായിരുന്നു വിലയെന്നും എന്നാൽ ഇന്നലെ ഇതിന് 76.26 ഡോളറായിരുന്നുവെന്നും രാഹുലിന്‍റെ ട്വീറ്റിനോടൊപ്പം നൽകിയ മൻമോഹൻ- നരേന്ദ്ര മോദി ചിത്രങ്ങളോടെയുള്ള താരതമ്യ കണക്കിൽ വിശദീകരിച്ചു
. മൻമോഹൻ സിംഗ് സർക്കാരിന്‍റെ അവസാനമായ 2014-ലെ ലോക്സഭാ തെരഞ്ഞെടുപ്പു ഫലം പുറത്തുവന്ന ദിവസമാണ് മേയ് 16. കോണ്‍ഗ്രസ് ഗവേഷണ വിഭാഗം തയാറാക്കിയതാണ് രാഹുലിന്‍റെ ട്വീറ്റിനോടൊപ്പമുള്ള സചിത്ര കണക്ക്.യുപിഎ സർക്കാർ ഭരണം ഒഴിയുന്പോൾ പോലും പെട്രോൾ ലിറ്ററിന് എക്സൈസ് തീരുവ 9.20 രൂപയും ഡീസലിന് 3.36 രൂപയും മാത്രമായിരുന്നു.
എന്നാൽ ഇപ്പോഴാകട്ടെ പെട്രോളിന് 32.98 രൂപയും ഡീസലിന് 31.82 രൂപയുമാണ് കേന്ദ്രനികുതി. പെട്രോളിന് 258.47 ശതമാനവും ഡീസലിന് 819.94 ശതമാനവും ആണ് മോദി സർക്കാർ കേന്ദ്ര നികുതി കൂട്ടിയത്. അസംസ്കൃത എണ്ണ വിലയിൽ യുപിഎയുടെ കാലത്തേതിനേക്കാൾ ബാരലിന് 66.43 ഡോളർ ഇപ്പോൾ കുറഞ്ഞപ്പോഴാണ് പെട്രോളിന് 4.85 രൂപയും ഡീസലിന് 19.13 രൂപയും കൂട്ടി വിൽക്കുന്നതെന്നും രാഹുൽ വിശദീകരിച്ചു.
ജോർജ് കള്ളിവയലിൽ
