സംസ്ഥാനത്ത് ഓട്ടോയ്ക്കും ടാക്‌സിക്കും അനുമതി
തിരുവനന്തപുരം :സംസ്ഥാനത്ത് ടാക്‌സികള്‍ക്കും ഓട്ടോറിക്ഷകള്‍ക്കും സര്‍വീസിന് അനുമതി നല്‍കി. മുഖ്യമന്ത്രി പിണറായി വിജയന്റെ അധ്യക്ഷതയില്‍ ചേര്‍ന്ന ഉന്നതതലയോഗമാണ് ലോക്ക്ഡൗണ്‍ നാലാംഘട്ടത്തില്‍ ഈ ഇളവുകള്‍ അനുവദിച്ചത്. പുതിയ തീരുമാനം അനുസരിച്ച്‌ സാധാരണനിലയില്‍ തൊട്ടടുത്ത ജില്ലയിലേക്ക് പോകുന്നതിന് പാസ് ആവശ്യമില്ല.
എന്നാൽ ജില്ലകള്‍ മറികടന്നുള്ള യാത്രയ്ക്ക് പൊലീസിന്റെ പാസ് നിര്‍ബന്ധമാണ്. അതേസമയം നടപടിക്രമങ്ങളില്‍ ഇളവ് വരുത്തിയിട്ടുണ്ട്. പാസ് ലഭിക്കാന്‍ വേണ്ടി കാത്തിരിക്കേണ്ടി വരില്ല. പാസ്സിനായി കോവിഡ് 19 ജാഗ്രതാ സെല്ലില്‍ അപേക്ഷ നല്‍കിയാല്‍ ഉടന്‍ തന്നെ പാസ്സ് നല്‍കുന്ന തരത്തില്‍ ക്രമീകരണം നടത്താനാണ് തീരുമാനം.
അന്തർ സംസ്ഥാനയാത്രകൾക്ക് വിലക്ക് തുടരും