സിവിൽ സർവീസ് പരീക്ഷാ ഫലം ; ആദ്യ 100 റാങ്കുകളിൽ 10 മലയാളികളും ഉൾപ്പെടുന്നു.
സിവിൽ സർവീസ് പരീക്ഷാ ഫലം പ്രസിദ്ധീകരിച്ചിരിക്കുകയാണ്. ആദ്യ 100 റാങ്കുകളിൽ 10 മലയാളികളും ഉൾപ്പെടുന്നു.
വിജയികളെ മുഖ്യമന്ത്രിപിണറായി വിജയൻ ഹാർദ്ദമായി അഭിനന്ദിച്ചു.
പത്തനാപുരം ഫയർ & റെസ്ക്യൂ സ്റ്റേഷനിലെ ഫയർമാനായ ആശിഷ് ദാസ് 291 -ആം റാങ്ക് നേടി കേരളാ സർവീസിനു തന്നെ അഭിമാനമായി മാറി. കേരളത്തിൽ നിന്നും 50ൽ അധികം ആളുകൾ റാങ്ക് ലിസ്റ്റിൽ ഇടം നേടി. അവരിൽ ഭൂരിഭാഗവും സംസ്ഥാന ഗവൺമെന്റിന്റെ കീഴിലുള്ള സിവിൽ സർവീസ് അക്കാദമിയിൽ പരിശീലനം നേടിയ ഉദ്യോഗാർത്ഥികളാണ്. അഭിമാനകരമായ നേട്ടമാണിത്. ഈ വിജയത്തിൽ നിന്നും ഊർജ്ജമുൾക്കൊണ്ട് അക്കാദമിക്ക് ഭാവിയിലും മികച്ച നേട്ടങ്ങളുമായി മുന്നോട്ട് പോകാൻ സാധിക്കട്ടെ.
വിജയികളായ എല്ലാവർക്കും സ്ത്യുതർഹമായ രീതിയിൽ ജനസേവനം ചെയ്യാൻ കഴിയട്ടെ എന്നും നാടിൻ്റെ വികസനത്തിന് മുതൽക്കൂട്ടാകാൻ സാധിക്കട്ടെ എന്നുംമുഖ്യമന്ത്രിപിണറായി വിജയൻ ആശംസിച്ചു.