പാ​രി​സ്ഥി​തി​ക നാ​ശ​ത്തി​നും ചൂ​ഷ​ണ​ത്തി​നും ഇ​ട​യാ​ക്കും: ഇഐഎ ക​ര​ട് വിജ്ഞാപനം പി​ന്‍​വ​ലി​ക്ക​ണ​മെ​ന്ന് രാ​ഹു​ല്‍ ഗാന്ധി

ന്യൂഡല്‍ഹി: പാ​രി​സ്ഥി​തി​ക നാ​ശ​ത്തി​നും ചൂ​ഷ​ണ​ത്തി​നും ഇ​ട​യാ​ക്കു​മെ​ന്ന​തി​നാ​ല്‍ ഇ​ഐ​എ 2020 ക​ര​ട് പി​ന്‍​വ​ലി​ക്ക​ണ​മെ​ന്ന് കോ​ണ്‍​ഗ്ര​സ് നേ​താ​വ് രാ​ഹു​ല്‍ ഗാ​ന്ധി ആ​വ​ശ്യ​പ്പെ​ട്ടു.രാജ്യത്തെ കൊള്ളയടിക്കാനായാണ് ഡ്രാഫ്റ്റ് കൊണ്ടുവന്നതെന്നും അദ്ദേഹം ആരോപിച്ചു.

രാജ്യത്തിന്റെ വിവിധ വിഭവങ്ങള്‍ കൊള്ളയടിക്കുന്ന ബിജെപിയുടെ ചില സുഹൃത്തുക്കള്‍ക്ക് വേണ്ടിയാണ് വിജ്ഞാപനം കൊണ്ടുവന്നതെന്ന് അദ്ദേഹം ആരോപിച്ചു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.

ബി​ജെ​പി സ​ര്‍​ക്കാ​ര്‍ കൊ​ള്ള​യ​ടി​ക്കു​ന്ന​തി​ന്‍റെ മ​റ്റൊ​രു ഭ​യാ​ന​ക​മാ​യ ഉ​ദാ​ഹ​ര​ണ​മാ​ണി​തെ​ന്നും രാ​ഹു​ല്‍ ആ​രോ​പി​ച്ചു. ഇ​ഐ​എ ക​ര​ടി​നെ ഞാ​യ​റാ​ഴ്ച​യും രാ​ഹു​ല്‍ ഗാ​ന്ധി വി​മ​ര്‍​ശി​ച്ചി​രു​ന്നു. പൊ​തു​ജ​ന​ങ്ങ​ളു​ടെ അ​ഭി​പ്രാ​യ​ത്തി​നാ​യി ഇ​പ്പോ​ള്‍ ത​യാ​റാ​ക്കി​യ ക​ര​ട് അ​പ​മാ​ന​ക​ര​വും അ​പ​ക​ട​ക​ര​വു​മാ​ണെ​ന്ന് അ​ദ്ദേ​ഹം പ​റ​ഞ്ഞു. പ​രി​സ്ഥി​തി​യെ സം​ര​ക്ഷി​ക്കാ​നു​ള്ള പോ​രാ​ട്ട​ത്തി​ന്‍റെ ഭാ​ഗ​മാ​യി വ​ര്‍​ഷ​ങ്ങ​ളാ​യി ന​ട​ത്തി​യ ക​ഠി​നാ​ധ്വാ​ന​ത്തി​ലൂ​ടെ നേ​ടി​യ നേ​ട്ട​ങ്ങ​ളെ ഇ​ല്ലാ​താ​ക്കാ​ന്‍ ക​ര​ട് നി​യ​മ​ത്തി​ന് ക​ഴി​വു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു.

വിവിധ പദ്ധതികള്‍ക്ക് പാരിസ്ഥിതിക പഠനം നല്‍കാതെ അനുമതി നല്‍കുന്നതുമായി ബന്ധപ്പെട്ടുള്ളതാണ് വിജ്ഞാപനം. പരിസ്ഥിതി മന്ത്രാലയം കഴിഞ്ഞ മാര്‍ച്ചില്‍ പ്രസിദ്ധീകരിച്ച കരട് വിജ്ഞാപനത്തില്‍, പൊതു അഭിപ്രായം തേടിയിരുന്നു. വിജ്ഞാപനത്തിന് എതിരെ രാജ്യത്ത് വലിയ ക്യാമ്ബയിനാണ് ഉയര്‍ന്നുവന്നിരിക്കുന്നത്. ഓഗസ്റ്റ് 12വരെയാണ് ജനങ്ങള്‍ക്ക് വിജ്ഞാപനത്തില്‍ പ്രതികരണം രേഖപ്പെടുത്താന്‍ സമയം അനുവദിച്ചിരിക്കുന്നത്.