![](https://nammudenaadu.com/wp-content/uploads/2023/12/409202802_7102191519838787_4487806070491081219_n.jpg)
പതിനെട്ട് എന്ന സംഖ്യ മാലോകർക്ക് വളരെ പ്രാധാന്യമുള്ളതാണ് .
ശ്രീകോവിലിലേക്കുള്ള പതിനെട്ടാംപടി (18 ദൈവിക പടികൾ) എല്ലാ വശങ്ങളിലും ദൈവികമാണ്. ആദ്യത്തെ മൂന്ന് പടികൾ “ഭൂമി, അഗ്നി, വായു & ആകാശം”, കർമ്മേന്ദ്രിയത്തിന് 6 മുതൽ 9 വരെ പടികൾ, ജ്ഞാനേന്ദ്രിയത്തിന് 10 മുതൽ 15 വരെ, മനസ്സിന് 17-ആം ബുദ്ധി, 18-ആമത്തെ ജീവാത്മ ഭവ എന്നിവ ചിത്രീകരിക്കുന്നു. 18 കഴിഞ്ഞാൽ ‘ തത്വമസി ‘ ഈശ്വരനും ഭക്തനും ഒന്നാകുന്ന സമത്വത്തിന്റെ പരമപദം അർത്ഥമാക്കുന്നത് നിങ്ങൾക്ക് മോക്ഷമായി അഥവാ ‘ നീയെന്ന ഭക്തൻ ദൈവമാകുന്നു ‘ എന്ന് തന്നെയാണ് . അതിനാലായിരിക്കാം 18 ആം പടികയറി ആറ് പ്രാവശ്യം അവിടെ എത്തിയപ്പോഴും എഴുതിവച്ചിട്ടുള്ളത് വായിച്ച് കരഞ്ഞത് , എന്റെ മനസ്സിന്റെ ഭാരം കുറഞ്ഞ് പക്ഷിയെപ്പോലെ പറന്നത് …!
![](https://nammudenaadu.com/wp-content/uploads/2023/12/410224223_7102681606456445_7653564165278062546_n.jpg)
മഹാഭാരത യുദ്ധം 18 ദിവസമാണ് നടന്നത് . ഹിന്ദു ഇതിഹാസമായ മഹാഭാരതം 18 എന്ന സംഖ്യയുമായി പലതരത്തിൽ ബന്ധപ്പെട്ടിരിക്കുന്നു. മഹാഭാരതത്തെ 18 ഗ്രന്ഥങ്ങളായി (പർവങ്ങൾ) തിരിച്ചിരിക്കുന്നു, ഭഗവദ് ഗീതയിലും 18 അധ്യായങ്ങളുണ്ട്. മഹാഭാരതത്തിന്റെ യഥാർത്ഥ നാമം ജയ എന്നായിരുന്നു, സംസ്കൃത സംഖ്യാ സമ്പ്രദായമനുസരിച്ച് (ക ട പ യാതി സാംഖ്യ) ജയ എന്നത് 18 ആണ്. ഈ സംഖ്യയുടെ പ്രാധാന്യം വേദകാലഘട്ടത്തിൽ തന്നെ കണ്ടെത്താനാകും. ബ്രഹ്മാവ് സംരക്ഷിച്ചുവെന്ന് വിശ്വസിക്കപ്പെടുന്ന ആദ്യത്തെ വേദത്തിന് 18 അധ്യായങ്ങളാണുള്ളത്. തുടർന്ന്, വേദവ്യാസൻ അതിനെ വിഭജിച്ച് നാല് വേദങ്ങളാക്കി; ഋഗ്വേദം, യജുർവേദം, സാമവേദം, അഥരവവേദം എന്നിവയ്ക്കെല്ലാം 18 അധ്യായങ്ങൾ ഉണ്ടായിരുന്നു.
പതിനെട്ട് പടികൾ 18 പുരാണങ്ങളെ സൂചിപ്പിക്കുന്നുവെന്ന് ചിലർ വിശ്വസിക്കുന്നു. അയ്യപ്പൻ ദോഷം നശിപ്പിച്ച 18 ആയുധങ്ങൾ 18 പടവുകളെ സൂചിപ്പിക്കുന്നുവെന്ന് ചിലർ പറയുന്നു. മനുഷ്യ ശരീരത്തിൽ പ്രധാനമായവ പതിനെട്ട് അവയവങ്ങളെന്ന് വിശ്വസിക്കപ്പെടുന്നു. സത്യമെന്തായാലും അയ്യനെ കാണാൻ ജനകോടികൾ ഒഴുകിയെത്തുന്നു , ലോകത്തിലെ ഏറ്റവും വലിയ ‘ cult movement ‘ അഥവാ ആശയത്തോടോ ആരാധനയോടെയുള്ള അമിതമായ ആസക്തി പ്രകടിപ്പിക്കുന്ന ഇടമാണ് ശ്രീ അയ്യപ്പന്റെ ശബരിമല എന്ന പുണ്യസ്ഥലം
Joly Joseph