ഐ.ഐ.എം.സിയിൽ പിജി ഡിപ്ലോമ പ്രോഗ്രാമുകളിലേക്ക് അപേക്ഷിക്കാം

ഇന്ത്യൻ ഇൻസ്റ്റിറ്റ്യൂട്ട് ഓഫ് മാസ് കമ്മ്യൂണിക്കേഷൻ (ഐഐഎംസി) പിജി ഡിപ്ലോമ പ്രോഗ്രാമുകളിലേക്ക് അപേക്ഷ ക്ഷണിച്ചു. http://www.iimc.gov.in/

ജേണലിസം (ഇംഗ്ലിഷ്): ന്യൂഡൽഹി (68 സീറ്റ്), ഒഡീഷയിലെ ധെങ്കനാൽ (68), മഹാരാഷ്‌ട്രയിലെ അമരാവതി (17), മിസോറമിലെ ഐസോൾ (17), ജമ്മു (17), കോട്ടയം (17)

2) ജേണലിസം (ഹിന്ദി): ന്യൂഡൽഹി (68)

3) റേഡിയോ & ടിവി ജേണലിസം: ന്യൂഡൽഹി (51)

4) അഡ്വർടൈസിങ് & പിആർ: ന്യൂഡൽഹി (77)

5) ജേണലിസം (മലയാളം): കോട്ടയം (17).

മലയാളം കോഴ്സിലേക്കു മാത്രം അപേക്ഷ നേരത്തേ ക്ഷണിച്ചിരുന്നു. അവസാന തീയതി ഈ മാസം 14. (മൊബൈൽ: 94476 54235). മറ്റെല്ലാ കോഴ്സുകൾക്കും അപേക്ഷ 28 വരെ.

കോഴ്സ് ഒരു വർഷം. ബിരുദധാരികൾക്കും അവസാന വർഷ വിദ്യാർഥികൾക്കും അപേക്ഷിക്കാം. എൻആർഐ / എൻആർഐ–സ്‌പോൺസേഡ് വിഭാഗക്കാർക്ക് ഓരോ പ്രോഗ്രാമിനും 5 സീറ്റുണ്ട്.

ജനനം 1995 ഓഗസ്‌റ്റ് ഒന്നിനു മുൻപാകരുത്. പട്ടിക / ഭിന്നശേഷി വിഭാഗക്കാർക്ക് അഞ്ചും പിന്നാക്കവിഭാഗക്കാർക്കു മൂന്നും വർഷം ഇളവ്.

കോവിഡ് കാരണം ഇക്കുറി എൻട്രൻസില്ല. പഠനലക്ഷ്യം വ്യക്തമാക്കുന്ന ലഘുകുറിപ്പ് സമർപ്പിക്കണം. ഓൺലൈൻ ഇന്റർവ്യൂ നടത്തി റാങ്ക് നിർണയിക്കും.