സ്പെഷ്യൽ ട്രെയിൻ തിരുവനന്തപുരത്തെത്തി:ഏഴ് പേർക്ക് രോഗലക്ഷണം

തിരുവനന്തപുരം: ലോക്ഡൗണിൽപ്പെട്ട് ഉത്തരേന്ത്യയിൽ കുടുങ്ങിയവരുമായി ഡൽഹിയിൽ നിന്നുള്ള സ്പെഷ്യൽ ട്രെയിൻ തിരുവനന്തപുരത്തെത്തി. വെള്ളിയാഴ്ച രാവിലെ 400 ഓളം യാത്രക്കാരുമായാണ് ട്രെയിൻ തിരുവനന്തപുരത്തെത്തിയത്.

സംസ്ഥാനത്തെ ആദ്യ സ്റ്റോപ്പായ കോഴിക്കോട്ട് 216 യാത്രക്കാരും എറണാകുളത്ത്​ 258 യാത്രക്കാരും ഇറങ്ങിയിരുന്നു.​ കോഴിക്കോട്ട് ഇറങ്ങിയ 6 പേർക്കും തി​രു​വ​ന​ന്ത​പു​ര​ത്ത് ഇറങ്ങിയ ഒ​രു യാ​ത്ര​ക്കാ​ര​നും വിഡ് ലക്ഷണങ്ങൾ കണ്ടതിനെതുടർന്ന് 6പേരെ കോഴിക്കോട് മെഡിക്കൽ കോളേജിലേക്കും ഒരാളെ തിരുവനന്തപുരം മെഡിക്കൽ കോളേജിലേക്കും മാറ്റി. വ്യാഴാഴ്ച രാത്രി 10നാണ് ട്രെയിൻ കോഴിക്കോട്ട് എത്തിയത്. വെള്ളിയാഴ്ച പുലർച്ചെ അഞ്ചിന് തിരുവനന്തപുരത്തുമെത്തി.

വിദ്യാർഥികളും രോഗികളും ഗർഭിണികളും വിനോദയാത്രക്ക്​ ​േപായി കുടുങ്ങിയവരും ട്രെയിനിലുണ്ട്​. വിശദ പരിശോധനകൾക്ക് ശേഷമാണ് യാത്രികരെ പുറത്തെത്തിച്ചത്. രോഗലക്ഷണങ്ങൾ ഇല്ലാത്തവരെ വീടുകളിൽ ക്വാറന്‍റീനിലേക്ക് അയച്ചു.

ന്യൂ​ഡ​ല്‍​ഹി റെ​യി​ല്‍​വേ സ്റ്റേ​ഷ​നി​ല്‍​നി​ന്ന് ബു​ധ​നാ​ഴ്ച രാ​വി​ലെ 11.25-ന് ​യാ​ത്ര ആ​രം​ഭി​ച്ച ട്രെ​യി​നി​ന് കോ​ട്ട, വ​ഡോ​ദ​ര, പ​ന്‍​വേ​ല്‍, മ​ഡ്ഗാ​വ്, മം​ഗ​ളൂ​രു, കോ​ഴി​ക്കോ​ട്, എ​റ​ണാ​കു​ളം എ​ന്നി​വി​ട​ങ്ങ​ളി​ലാ​യി​രു​ന്നു സ്‌​റ്റോ​പ്പു​ക​ള്‍ ഉ​ണ്ടാ​യി​രു​ന്ന​ത്.