കോവിഡ്:രാജ്യത്ത് രോഗബാധിതരുടെ എണ്ണം 52000കടന്നു
ന്യൂഡൽഹി: ഇന്ത്യയിൽ കോവിഡ് ബാധിതരുടെ എണ്ണം 52,952 ആയി. 1783 പേർ കോവിഡ് ബാധിച്ച് മരിച്ചതായും കേന്ദ്ര ആരോഗ്യമന്ത്രാലയം അറിയിച്ചു. 15,266പേർ രോഗമുക്തരായി. മഹാരാഷ്ട്രയിൽ കോവിഡ് രോഗികളുടെ എണ്ണം 16,758 ആയി.
651 പേരാണ് ഇവിടെ മരിച്ചത്. 3094 പേർ രോഗമുക്തരായി. ഗുജറാത്തിൽ കോവിഡ് ബാധിതരുടെ എണ്ണം 7,000 കടന്നു. രാജസ്ഥാനിൽ 3,000 പേർക്കാണ് ൈവറസ് സ്ഥിരീകരിച്ചത്. ഡൽഹിയിൽ മേയ് ഒന്നിനും മൂന്നിനുമിടെ ആയിരത്തിലേറെ പേർക്കാണ് വൈറസ് സ്ഥിരീകരിച്ചത്.
നിലവിൽ 5532 പേർ ൈവറസ് ബാധിതരാണ്. മുംബൈ, പുനെ, മഹാരാഷ്ട്ര, ഡൽഹി, ഗുജറാത്ത്, അഹമദാബാദ്, സൂറത്ത് എന്നിവയാണ് കോവിഡ് ഏറ്റവും കൂടുതൽ ബാധിച്ച നഗരങ്ങൾ. മൂന്നുദിവസത്തിനിടെ ഇന്ത്യയിൽ 10,000പേർക്കാണ് പുതുതായി രോഗം കണ്ടെത്തിയത്.