രോഗാതുരമായശരീരത്തിൽ, പ്രതിക്ഷ നശിക്കുന്ന മനസ്സുകളിൽ ആശ്വാസത്തിന്റെ വർണം വിതറുന്ന മാലാഖമാരാണ് നഴ്സുമാർ. ലോകമാകെ കോവിഡ് ഭീതിയിൽ മരവിച്ചു നിൽക്കുമ്പോൾ എല്ലാ രാജ്യങ്ങളിലും കരുതലിന്റെ കൈവിളക്കായി മലയാളി നഴ്‌സുമാരാണ് മുന്നിൽ. കേരളത്തിൽ അവർ ചെയ്യുന്ന ത്യാഗനിർഭരമായ കരുത്തലിനു സമാനതകളില്ല.സ്വകാര്യമേഖലയിൽ പലയിടത്തും അർഹതപ്പെട്ട വേതനമോ ജോലി സുരക്ഷയോ ലഭിക്കുന്നില്ല. ആ വേദനയിലും അവർ കാവലാളാകുകയാണ് ഓരോ ജീവനും. മഹാദുരന്തത്തിൽ നമുക്കു സുരക്ഷിത കവചമൊരുക്കുന്ന മാലാഖമാർക്കു നന്ദി.ചേർത്തുപിടിക്കാം.ആ സമർപ്പിത ഹൃദയങ്ങളെ.മന്ത്രി കെ കെ ശൈലജ

ഈ വാക്കുകൾ എന്റെ മനസ്സിൽ മുഴങ്ങുന്നത്. മാതൃ ദിനത്തിൽ അമ്മയെ ഓർക്കുമ്പോൾ ഇതാണ് പറയാനുള്ളത്.ഇന്നലെ അമ്മമാരു ദിനംആയിരുന്നല്ലോ . മദേഴ്‌സ് ഡേ എന്ന പേരിൽ ലോകമെമ്പാടും ഈ ദിനം പലപ്പോഴും ചിലരിൽ അപ്രതീക്ഷിതമായ ആഘാതങ്ങളുടെ മുറിവുകളേൽപ്പിക്കുന്നു. ഒരുവേള നീറുന്ന ഗദ്ഗദങ്ങളുടെ മാച്ചുകളയാനാകാത്ത മുറിപ്പാടുകൾ! ആ ചിലരിൽ ഒരാളാണ് ഞാനെന്നു വേണമെങ്കിൽ പറയാം. കാരണം എന്റെ അമ്മയെപ്പറ്റിയുള്ള ഓർമ്മകൾ പലപ്പോഴും എന്നിൽ സാക്ഷാത്കരിക്കപ്പെടാതെപോയ കടപ്പാടുകളുടെ പീഡനങ്ങൾ ഏൽപ്പിക്കുന്നു. കേരളത്തിലെ പഴയകാല ക്രിസ്തീയ കുടുംബങ്ങളിലെ വീട്ടമ്മമാരുടെ കദനകഥകള് അറിയാത്തവർ ആരുണ്ട് […]