മെട്രൊമാൻ 88എൺപത്തിയെട്ട് തികഞ്ഞ മെട്രോമാൻ ഇ ശ്രീധരന് ആയുരാരോഗ്യ സൗഖ്യങ്ങൾ നേരുന്നു.കൊച്ചി കപ്പൽശാലയുടെ രണ്ടാമത്തെ ചെയർമാനായി എത്തിയ കാലം മുതൽ ആരംഭിച്ചതാണ് ഇ ശ്രീധരനുമായുള്ള ആത്മ സൗഹൃദം. അത് ഇന്നും ഊഷ്മളമായി തുടരുന്നു. പിന്നിട് കൊങ്കൺ റെയിൽ, കൊച്ചി മെട്രൊ എന്നിവയുടെ നിർമ്മാണ ചുമതലക്കാരനായപ്പോഴും ആ ബന്ധം കൂടുതൽ ദൃഢമായി.അദ്ദേഹത്തിൻ്റെ കൃത്യനിഷ്ഠയും പ്രവർത്തന മികവും വളരെ ചേർന്ന് നിന്നു കാണുവാൻ കഴിഞ്ഞിട്ടുണ്ട്.അദ്ദേഹം എന്നും കർമ്മനിരതനായിരിക്കട്ടെ എന്നു പ്രാർത്ഥിക്കുന്നു.

വിഖ്യാതനായ കാർട്ടൂണിസ്റ്റ്, പ്രതിഭാധനനായ എഴുത്തുകാരൻ, അനുഗൃഹീതനായ വാഗ്മി എന്നീ നിലകളിലെല്ലാം കലാസാഹിത്യ രംഗത്തെ നിറ സാന്നിധ്യം ശ്രീ. സി.ജെ.യേശുദാസനു ഇന്ന് 82 വയസ്സു പൂർത്തിയാകുന്നു. ദാസേട്ടന് ഏറ്റവും ഹൃദ്യമായ ജന്മദിനാശംസകൾ…..