പ്രൊഫ കെ വി തോമസ് കുമ്പളങ്ങിയിലെ ക്രിസ്ത്യാനികൾക്ക് ഒഴിച്ചു കൂടാനാവാത്ത രണ്ട് മാംസ വിഭവങ്ങളാണ് പോത്തിറച്ചിയും പോർക്കിറച്ചിയും. ക്രിസ്തുമസ്സ്, ഈസ്റ്റർ, പള്ളിപെരുന്നാൾ, കല്ല്യാണം, മാമോദീസ, മരണാനന്തര കർമ്മങ്ങളായ മുപ്പതടിയന്തിരം, ആണ്ട് എന്നിവയ്ക്കൊക്കെ പോത്തും, പോർക്കും ഭക്ഷത്തിനുണ്ടാവും. മദ്യത്തിനൊപ്പം തൊട്ടു നാക്കിൽ വയ്ക്കാൻ അച്ചാറും മറ്റ് അൻസാരികളും ഉണ്ടാകുമെങ്കിലും തേങ്ങാകൊത്തിട്ട് വരട്ടിയെടുത്ത പോത്തിറച്ചിയോ, പോർക്കിറച്ചിയോ ഉണ്ടെങ്കിൽ കാര്യം കുശാലായി. എന്റെ ചെറുപ്പകാലത്ത് കുമ്പളങ്ങിയിൽ രണ്ട് പേരാണ് പോത്തിനെയും പോർക്കിനെയും കശാപ്പ് ചെയ്ത് വിറ്റിരുന്നത്, കന്നൻ ലോനൻകുട്ടിയും പുത്തൻവീട്ടിൽ ശൌരികുട്ടിയും. […]