സംസ്ഥാനത്തേക്ക് മടങ്ങിയെത്തിയത് ഒരുലക്ഷത്തിലേറേ ആളുകൾ

തി​രു​വ​ന​ന്ത​പു​രം : കോവിഡ് വ്യാപനം തടയുന്നതിനായി ഏർപ്പെടുത്തിയ ലോ​ക്ക്ഡൗ​ണി​നെ തു​ട​ര്‍​ന്നു മ​റ്റ് സം​സ്ഥാ​ന​ങ്ങ​ളി​ല്‍ കു​ടു​ങ്ങി കി​ട​ന്ന 1.01 ല​ക്ഷം പേ​ര്‍ നാട്ടിലേക്ക് മ​ട​ങ്ങി​യെ​ത്തി​യെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യൻ . മറ്റു സംസ്ഥാനങ്ങളിൽ നിന്ന് കേരളത്തിലേക്ക് വരാൻ 3.80 ലക്ഷം പേരാണ് രജിസ്റ്റർ ചെയ്തത്. ഇതിൽ 2.16 ലക്ഷം പേർക്ക് പാസ് നൽകി. പാസ് ലഭിച്ച 1,01,779 പേർ വന്നു കഴിഞ്ഞു. വിദേശത്തുനിന്നു വരാൻ രജിസ്റ്റർ ചെയ്തത് 1.34 ലക്ഷം പേരാണ്. അവരിൽ 11,189 പേർ മെയ് 25 വരെ സം​സ്ഥാ​ന​ത്തു മ​ട​ങ്ങി​യെ​ത്തി​യെ​ന്നും അ​ദ്ദേ​ഹം പ​റ​ഞ്ഞു.

പ്രവാസികളെത്തുമ്പോൾ സംസ്ഥാനത്ത് ചില ക്രമീകരണങ്ങൾ അത്യന്താപേക്ഷിതമാണ്. രോഗവ്യാപനം വലിയതോതിലുള്ള പ്രദേശങ്ങളിൽ നിന്നും ആളുകൾ വരുന്നുണ്ട്. മറ്റു പ്രദേശങ്ങളിൽ നിന്ന് ആളുകൾ വരുന്നതിനു മുമ്പ് 16 പേർ ചികിത്സയിലുണ്ടായിരുന്ന സ്ഥാനത്ത് ഇന്നലെ 415 പേരാണ് ചികിത്സയിലുള്ളത്. സ്വാഭാവികമായും രോഗികളുടെ എണ്ണം വർധിക്കും.മ​ഹാ​രാ​ഷ്ട്ര​യി​ല്‍​നി​ന്നു വ​ന്ന 72 പേ​ര്‍​ക്കും ത​മി​ഴ്നാ​ട്ടി​ല്‍ നി​ന്നെ​ത്തി​യ 71 പേ​ര്‍​ക്കും ക​ര്‍​ണാ​ട​ക​യി​ല്‍ നി​ന്നെ​ത്തി​യ 35 പേ​ര്‍​ക്കും രോ​ഗം സ്ഥി​രീ​ക​രി​ച്ചു. വി​ദേ​ശ​ത്തു നി​ന്നെ​ത്തി​യ 133 പേ​ര്‍​ക്ക് രോ​ഗ​ബാ​ധ ഉ​ണ്ടാ​യി.

രോഗവ്യാപനം കൂടുതലുള്ള പ്രദേശങ്ങളിൽ നിന്നും വരുന്നവരെ കരുതലോടെ സ്വീകരിക്കാൻ തന്നെയാണ് സർക്കാർ ഉദ്ദേശിക്കുന്നത്. ആരേയും പുറന്തള്ളുന്ന നയമില്ല. അവർ എത്തുമ്പോൾ ശരിയായ പരിശോധനയും ക്വാറൻറൈനും ആവശ്യമാണ്. അതിനുവേണ്ടിയാണ് സർക്കാരിൻറെ പോർട്ടലിൽ രജിസ്റ്റർ ചെയ്യണമെന്ന് നിർദേശിക്കുന്നതെന്നും അദ്ദേഹം പറഞ്ഞു