മാറ്റമില്ലാതെ പെട്രോൾ,ഡീസൽ വില
കൊച്ചി: സംസ്ഥാനത്ത് പെട്രോൾ, ഡീസൽ വില മാറ്റമില്ലാതെ തുടരുന്നു. ഇന്ന് ഒരു ലിറ്റർ പെട്രോളിന് 82.15 രൂപയാണ് വില. ഡീസലിന് 78.97 രൂപയും. കഴിഞ്ഞ ഒരാഴ്ചയായി ഡീസൽ വിലയും ഒരുമാസത്തിലധികമായി പെട്രോൾ വിലയും മാറ്റമില്ലാതെ തുടരുകയാണ്.തിരുവനന്തപുരത്ത് പെട്രോളിന് 82.15 രൂപയും ഡീസലിന് 78.97 രൂപയുമാണ് വില. കൊച്ചിയിൽ പെട്രോളിന് 80.37 രൂപയാണ് വില. ഒരുലിറ്റർ ഡീസലിന് 78.97രൂപയും. കോഴിക്കോട് ഡീസൽ ലിറ്ററിന് 77.58 രൂപയും പെട്രോളിന് 80.71 രൂപയുമാണ് വില.
രാജ്യതലസ്ഥാനത്ത് ഡീസൽ വില കുത്തനെ കുറഞ്ഞിരിക്കുകയാണ്. 8.38 പൈസ കുറഞ്ഞ് ഡീസൽ ലിറ്ററിന് 73.56 രൂപയായി. അതേസമയം പെട്രോൾ വില മാറ്റമില്ലാതെ തുടരുകയാണ്. ഒരു ലിറ്റർ പെട്രോളിന് 80.43 രൂപയാണ് വില. മുംബൈയിൽ 14 പൈസ ഉയർന്ന് ഒരു ലിറ്റർ ഡീസലിന് 80.11 രൂപയാണ് വില. പെട്രോളിന് വില 87.19 രൂപയും.
| നഗരം | പെട്രോള്‍ (രൂപ) | ഡീസല്‍ (രൂപ) |
| തിരുവനന്തപുരം | 82.15 | 78.97 |
| കൊച്ചി | 80.37 | 78.97 |
| കോഴിക്കോട് | 80.71 | 77.58 |
| ന്യൂഡല്‍ഹി | 80.43 | 73.56 |
| മുംബൈ | 87.19 | 80.11 |
ആഗോള വിപണിയിലെ ക്രൂഡ് ഓയിൽ വിലയും ഡോളർ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിർണയിക്കുന്നത്. രാജ്യാന്തര വിപണിയിൽ ക്രൂഡ് ഓയിൽ വിലയും ഡോളർ വിനിമയ നിരക്കും മാറ്റില്ലാതെ തുടരുന്നു. ഇന്ന് ഒരു ബാരൽ അസംസ്‌കൃത എണ്ണയ്ക്ക് (ക്രൂഡ് ഓയിൽ) 43.23 ഡോളറാണ് വില. 74.92 രൂപയിലാണ് ഇന്ന് ഡോളർ വിനിമയം നടക്കുന്നത്.