രാജ്യത്ത് കോവിഡ് മരണം 6000കടന്നു

ന്യൂഡൽഹി: രാജ്യത്ത്​ 24 മണിക്കൂറിനുള്ളിൽ 9,304 പേർക്ക്​ കോവിഡ്​ സ്ഥിരീകരിച്ചു. 260 പേർ മരണത്തിന്​ കീഴ​ടങ്ങി.​ഇതോടെ രാജ്യ​ത്തെ കോ​വി​ഡ് മ​ര​ണം ആ​റാ​യി​രം ക​ട​ന്നു. 6,075 പേ​രാ​ണ് ഇ​തു​വ​രെ രോ​ഗം ബാ​ധി​ച്ചു മ​രി​ച്ച​ത്. ഇന്ത്യയിൽ ഒറ്റ ദിവസത്തെ ഏറ്റവും ഉയർന്ന​ കോവിഡ്​ കേസുകളും മരണ സംഖ്യയുമാണിത്​. ആരോഗ്യ കുടുംബക്ഷേമ മന്ത്രാലയം പുറത്തു വിടുന്ന കണക്കനുസരിച്ച്​ ഇതുവരെ 2,16,919 പേർക്കാണ്​ രാജ്യത്ത്​ കോവിഡ്​ സ്ഥിരീകരിച്ചത്​.

ഇതിൽ 1,04,107 പേർ രോഗമുക്തി നേടി. 1,06,737 പേർ ചികിത്സയിലാണ്​. ആകെ 6,075 പേരാണ്​ രാജ്യത്ത്​ കോവിഡ്​ ബാധിച്ച്​ മരിച്ചത്​. പശ്ചിമബംഗാളിലെ സെക്ര​ട്ടറിയേറ്റിലെ രണ്ട്​ ഡ്രൈവർമാർക്ക്​ കോവിഡ്​ സ്ഥിരീകരിച്ചു. കെട്ടിടം അണുവിമുക്തമാക്കേണ്ടതിനാൽ സെക്രട്ടറിയേറ്റിലേക്ക്​ ജീവനക്കാർക്ക്​ പ്രവേശനം വിലക്കിയിരിക്കുകയാണ്​. പശ്ചിമബംഗാളിൽ ഇതുവരെ 6,500 പേർക്കാണ്​ കോവിഡ്​ സ്ഥിരീകരിച്ചത്