കോവിഡ്:രാജ്യത്ത് രോഗം സ്ഥിരീകരിച്ചത് 17,296 പേര്‍ക്ക്
ന്യൂഡല്‍ഹി : രാജ്യത്തെയാകെ ഭീതി പടർത്തി കോവിഡ് രോഗവ്യാപനം ദിനംപ്രതി ഉയരുകയാണ്. പ്രതിദിന രോഗബാധിതരുടെ എണ്ണത്തിലെ ഏറ്റവും ഉയര്‍ന്ന നിരക്കാണ് കഴിഞ്ഞ ദിവസം രേഖപ്പെടുത്തിയത്. കഴിഞ്ഞ 24 മണിക്കൂറിനിടെ 17,296 പേര്‍ക്കാണ് കോവിഡ് സ്ഥിരീകരിച്ചത്.
ഇതോടെ ഇന്ത്യയിലെ കോവിഡ് ബാധിതരുടെ എണ്ണം അഞ്ചു ലക്ഷത്തോട് അടുത്തു. ഇതുവരെ 4,90,401 പേര്‍ക്കാണ് കോവിഡ് സ്ഥിരീകരിച്ചത്. ഇതില്‍ 1,89,463 എണ്ണം ആക്ടീവ് കേസുകളാണെന്ന് ആരോഗ്യമന്ത്രാലയം അറിയിച്ചു.
ഇന്നലെ മാത്രം കൊറോണ ബാധിച്ച്‌ മരിച്ചത് 407 പേരാണ്. ഇതോടെ രാജ്യത്തെ കോവിഡ് മരണം 15,301ആയി ഉയര്‍ന്നു. ബുധനാഴ്ച രാജ്യത്ത് 418 പേരാണ് കോവിഡ് ബാധിച്ച്‌ മരിച്ചത്. രാജ്യത്ത് ഇതുവരെ 2,85,637 പേര്‍ രോഗമുക്തി നേടിയതായും കേന്ദ്ര ആരോഗ്യമന്ത്രാലയം അറിയിച്ചു.