അഭിലാഷ് ഫ്രേസര്‍ക്ക് ക്രിയാറ്റിഫ് നോവല്‍ പുരസ്‌കാരം
അഭിലാഷ് ഫ്രേസറുടെ പ്രപഞ്ചഗാഥ എന്ന നോവലിന് പ്രഥമ ക്രിയാറ്റിഫ് നോവല്‍ മത്സരത്തില്‍ രണ്ടാം സമ്മാനം ലഭിച്ചു.
നോവല്‍ ക്രിയാറ്റിഫ് പബ്ലിഷേഴ്‌സ് പുസ്തകരൂപത്തില്‍ പ്രസിദ്ധീകരിക്കും. സുദര്‍ശന്‍ കോടോത്തിന്റെ ജീവന്റെ ഭൂപടങ്ങള്‍, ടി ഒ ഏലിയാസിന്റെ വില്ലാര്‍വട്ടത്തെ രാജകുമാരി എന്നീ നോവലുകള്‍ക്കാണ് യഥാക്രമം ഒന്നും മൂന്നും സ്ഥാനങ്ങള്‍. സി. ആര്‍. ദാസ്, ഡോ. ആന്റണി മുനിയറ, വി. ബി. രാജന്‍ എന്നിവരടങ്ങിയ ജൂറിയാണ് അവാര്‍ഡ് ജേതാക്കളെ തെരഞ്ഞെടുത്തത്.
ഒന്ന്, രണ്ട്, മൂന്ന് സ്ഥാനങ്ങള്‍ ലഭിച്ചവര്‍ക്ക് ക്രിയാറ്റിഫ് നോവല്‍ പുരസ്‌കാരവും കാഷ് അവാര്‍ഡും ലഭിക്കും. മികച്ച രചനകള്‍ കൊണ്ട് സമ്പന്നമായിരുന്നു അവാര്‍ഡിനായുള്ള മത്സരം എന്ന് സംഘാടകര്‍ അറിയിച്ചു.
തൃശൂര്‍ ആസ്ഥാനമായി പ്രവര്‍ത്തിക്കുന്ന ക്രിയാറ്റിഫ് മീഡിയ ആണ് മത്സരം സംഘടിപ്പിച്ചത്.