നാടിന്റെ വികസനത്തിനായി, വ്യക്തി പ്രതിഷ്ഠകൾ മറന്നു ആശയത്തിലൂന്നി മുന്നേറാം

ഈ അടുത്ത കാലത്തു കണ്ട രണ്ടു ചർച്ചകൾ എനിക്ക് വളരെ ഇഷ്ടപ്പെട്ടു. ഒന്ന് നമ്മുടെ മുഖ്യമന്ത്രി പിണറായി വിജയനുമായി കോൺഗ്രസ്സ് നേതാവും MLAയുമായ VD സതീശൻ സഭാ TVൽ നടത്തിയ അഭിമുഖമാണ്. മറ്റേത് നമ്മുടെ മുൻ മുഖ്യമന്ത്രി ഉമ്മൻ ചാണ്ടിയുമായി CPI നേതാവും മന്ത്രിയുമായ VS സുനിൽ കുമാർ ManoramaNewsൽ ഇന്ന് നടത്തിയ അഭിമുഖമാണ്. ഇവ രണ്ടിലും നല്ല ശക്തമായ ചോദ്യങ്ങൾ, തീരെ ബഹുമാനം കുറയ്ക്കാതെ തന്നെ ചോദ്യകർത്താക്കളായ VD സതീശനും, സുനിൽ കുമാറും ചോദിക്കുകയും ഉരുളക്കുപ്പേരി പോലെ ഉത്തരങ്ങൾ പിണറായി വിജയനും, ഉമ്മൻ ചാണ്ടിയും നൽകുകയും ചെയ്തു. ഇന്ന് പൊതുവെ കാണുന്ന വ്യക്തികളെ ആക്രമിക്കുന്ന രീതിയിലുള്ള രാഷ്ട്രീയ ചർച്ചകൾ ഇഷ്ടമില്ലാത്തവർക്കു പോലും ഈ ചർച്ചകൾ ഇഷ്ടപ്പെടും.

ഈ രണ്ടു ചർച്ചകളും കാണിക്കുന്നത് വക്തിഹത്യ നടത്താതെ ആശയപരമായി രാഷ്ട്രീയത്തെ കണ്ടാൽ നമുക്ക് എല്ലാ തലത്തിലും നല്ല രീതിയിൽ വാദപ്രതിവാദം നടത്താം. നാടിന്റെ വികസനത്തിനായി, വ്യക്തി പ്രതിഷ്ഠകൾ മറന്നു ആശയത്തിലൂന്നി മുന്നേറാം.

Tony Thomas