ഫ്രാൻസീസ് പാപ്പാ കൊറോണ വക്സിൻ രണ്ടാമത്തെ ഡോസ് സ്വീകരിച്ചു.

ഫെബ്രുവരി മൂന്നിന് പ്‌ഫിസർ കമ്പനിയുടെ കൊറോണ വാക്സിനാണ് വത്തിക്കാനിലെ പോൾ ആറാമൻ ഹാളിൽ പ്രത്യേകം തയ്യാറാക്കിയ സ്ഥലത്ത് വച്ച് ഫ്രാൻസിസ് പാപ്പായും, ബെനഡിക്റ്റ് പതിനാറാമൻ പാപ്പയും സ്വീകരിച്ചത്. പിഫ്‌സർ കമ്പനിയുടെ 10,000 പേർക്കുള്ള മരുന്നാണ് വത്തിക്കാനിൽ എത്തിച്ചിരിക്കുന്നത്. ലോകത്തിലെ ഏറ്റവും ചെറിയ രാഷ്ട്രമായ വത്തിക്കാൻ തന്നെയാകും ആദ്യമായി എല്ലാവരും കൊറോണ വാക്സിൻ സ്വീകരിക്കുന്ന രാജ്യവും.

കഴിഞ്ഞ ജനുവരി 13ന് ആണ് ഫ്രാൻസിസ് പാപ്പയും ബെനഡിക്റ്റ് പാപ്പയും ആദ്യത്തെ ഡോസ് വാക്സിൻ സ്വീകരിച്ചത്. ഇത് നമുക്ക് വേണ്ടി മാത്രമല്ല, നമ്മുടെ അടുത്ത് വരുന്നവർക്ക് വേണ്ടി കൂടിയാണ് എന്നാണ് വാക്സിൻ്റെ ധാർമിക മൂല്യങ്ങളെ കുറിച്ച് ചോദിച്ചപ്പോൾ പാപ്പ പറഞ്ഞത്.

റോമിൽ നിന്ന് ഫാ ജിയോ തരകൻ