മൊയ് ത്തിന്റെ ഓപ്പറേഷനും കഴിഞ്ഞു.നിങ്ങളുടെ കിഡ്നി അയാളുടെ ശരീരത്തിൽ പ്രവർത്തിച്ചു തുടങ്ങി.അത് കേട്ടപ്പോൾ എനിക്കുണ്ടായ സന്തോഷം പറഞ്ഞു അറിയിക്കാൻ പറ്റില്ല.

2014 ജൂലൈ 8 ചൊവ്വ

.എറണാകുളം മെഡിക്കൽ ട്രസ്റ്റ് ആശുപത്രിയിലെ ICU.സമയം ഉച്ച കഴിഞ്ഞു 3 മണി.

ആരോ എന്നെ തട്ടി വിളിച്ചു.ഞാൻ പതുക്കെ കണ്ണുകൾ തുറന്നു.തലയ്ക്കു നല്ല ഭാരം.കാഴ്ച മങ്ങി ഇരിക്കുന്നു.ഡോക്ടർ രവി കുമാർ ആണ്.രാവിലെ 8 മണിക്ക് ഒരു ഇൻജെക്ഷൻ തന്നത് മാത്രമേ എനിക്ക് ഓർമയുള്ളു.

അപ്പോൾ മയങ്ങിയതാണ്.അനസ്തേഷ്യ തന്നത് പോലും എനിക്ക് ഓർമയില്ല.

ഡോക്ടർ പറഞ്ഞു.”You are perfectly alright ” ഞാൻ പതിഞ്ഞ ശബ്ദത്തിൽ ചോദിച്ചു: അപ്പോൾ മൊയ് തീൻ ?

ഡോക്ടറുടെ മറുപടി

: മൊയ് ത്തിന്റെ ഓപ്പറേഷനും കഴിഞ്ഞു.നിങ്ങളുടെ കിഡ്നി അയാളുടെ ശരീരത്തിൽ പ്രവർത്തിച്ചു തുടങ്ങി.

അത് കേട്ടപ്പോൾ എനിക്കുണ്ടായ സന്തോഷം പറഞ്ഞു അറിയിക്കാൻ പറ്റില്ല.ഒരു പക്ഷെ , അവയവ ദാതാ ക്കൾ മാത്രം അനുഭവിക്കുന്ന സന്തോഷം.

ഏകദേശം 6 മാസം നീണ്ടു നിന്ന,നിയമ , വൈദ്യ ശാസ്ത്ര നടപടി ക്രമങ്ങളുടെ പരിസമാപ്തി .24 മണിക്കൂർ ICU വിൽ തന്നെ കഴിഞ്ഞു.പിറ്റേ ദിവസം മുറിയിലേക്ക് മാറ്റി. പിന്നെ 5 നാളുകൾ കൂടി അവിടെ.എന്റെ ജീവിതത്തിലെ സുവർണ ദിനങ്ങൾ

.13 നു തിരുവനന്തപുരത്തു തിരിച്ചെത്തി 3 ആഴ്ച വിശ്രമം. ഇന്ന് 6 വർഷം തികയുമ്പോൾ,സന്തോഷം ഇരട്ടിച്ചിട്ടേ ഉള്ളു.മൊയ് തീൻസാധാരണ ജീവിതത്തിലേക്ക് തിരിച്ചു വന്നു.എനിക്കും ആരോഗ്യ പ്രശ്നങ്ങൾ ഇല്ല.

കരിന്തിരി കത്തിയ ഒരു ജീവിതത്തിലേക്ക് കുറെ എണ്ണ പകർന്നു നല്കാൻ കഴിഞ്ഞു.

George Joseph