വാര്‍ത്തകളുടെ ലോകത്തെ ഓണ്‍ലൈന്‍ കാലഘട്ടത്തില്‍ സത്യസന്ധത പുലര്‍ത്തുന്ന വാര്‍ത്തകള്‍ ജനങ്ങളിലെത്തിക്കുകയെന്നതാണ് ഡിജിറ്റല്‍ മാധ്യമങ്ങള്‍ ഏറ്റെടുക്കേണ്ട വെല്ലുവിളി-മാര്‍ ജേക്കബ് മുരിക്കൻ
പാലാ: വാര്‍ത്തകളുടെ ലോകത്തെ ഓണ്‍ലൈന്‍ കാലഘട്ടത്തില്‍ സത്യസന്ധത പുലര്‍ത്തുന്ന വാര്‍ത്തകള്‍ ജനങ്ങളിലെത്തിക്കുകയെന്നതാണ് ഡിജിറ്റല്‍ മാധ്യമങ്ങള്‍ ഏറ്റെടുക്കേണ്ട വെല്ലുവിളിയെന്ന് പാലാ രൂപതാ സഹായ മെത്രാന്‍മാര്‍ ജേക്കബ് മുരിക്കൻ പറഞ്ഞു.സത്യം ഓണ്‍ലൈന്‍പുതിയതായി നിര്‍മ്മിച്ചആസ്ഥാനമന്ദിരത്തിന്‍റെ ആശിര്‍വാദ കര്‍മ്മം നിർവഹിച്ചശേഷം സംസാരിക്കുകയായിരുന്നു അദ്ദേഹം .
ഓണ്‍ലൈന്‍ രംഗത്തെ ഒന്നാം നിര ന്യൂസ് പോര്‍ട്ടലായ സത്യം ഓണ്‍ലൈന്‍ സത്യവും നീതിബോധവും കൈമുതലാക്കി സത്യസന്ധമായ വാര്‍ത്തകള്‍ ജനങ്ങളിലെത്തിക്കുന്നതില്‍ പുലര്‍ത്തുന്ന ജാഗ്രത പ്രശംസനീയമാണ്.കോവിഡ് കാലഘട്ടം ഓണ്‍ലൈന്‍ മാധ്യമങ്ങളുടെ പ്രാധാന്യം ജനങ്ങള്‍ക്ക് ബോധ്യമാകുവാന്‍ ഇടയാക്കി. ഓണ്‍ലൈന്‍ എല്ലാം നിയന്ത്രിക്കുന്ന ഈ കാലഘട്ടത്തില്‍ ഡിജിറ്റല്‍ മീഡിയയുടെ പങ്ക് വലുതാണെന്ന് മാര്‍ ജേക്കബ് മുരിക്കല്‍ പറഞ്ഞു.
ജോസ് കെ. മാണി എംപി, തോമസ് ചാഴിക്കാടന്‍ എം.പി, മാണി സി. കാപ്പന്‍ എംഎല്‍എ, കെപിസിസി ജനറല്‍ സെക്രട്ടറി അഡ്വ: ടോമി കല്ലാനി, സത്യം ഓണ്‍ലൈന്‍ എഡിറ്റര്‍ വിന്‍സെന്‍റ് നെല്ലിക്കുന്നേല്‍, ഡയറക്ടര്‍ സണ്ണി മണര്‍കാട്ട്, സാമൂഹ്യ പ്രവര്‍ത്തകന്‍ ഡിജോ കാപ്പന്‍, രാഷ്ട്രീയ-സാമൂഹ്യ രംഗത്തെ പ്രമുഖര്‍ എന്നിവര്‍ സംബന്ധിച്ചു.