മാർ പോൾ ചിറ്റിലപ്പള്ളി ജീവന്റെ സംരക്ഷണവും കുടുംബക്ഷേമവും മുഖ്യലക്ഷ്യമായി സ്വീകരിച്ചു.

കൊച്ചി: കല്യാൺ, താമരശ്ശേരി രൂപതകളിലും, പിന്നീട് കെസിബിസിയുടെ ഫാമിലി കമ്മീഷനിലും, സീറോ മലബാർ സഭയിലും വിവിധ ആദ്ധ്യാൽമിക ചുമതലകൾ വഹിച്ചപ്പോഴെല്ലാം കുടുംബങ്ങളുടെ സമഗ്ര വളർച്ചയും ജീവന്റെ സംരക്ഷണവും മുഖ്യദർശനമായി സ്വീകരിച്ചു മാർ പോൾ ചിറ്റിലപ്പള്ളി പ്രവർത്തിച്ചു.
കെസിബിസി പ്രൊ ലൈഫ് സമിതി കേരളത്തിൽ ആരംഭിച്ചത്, മാർ മാത്യു ആനിക്കുഴിക്കാട്ടിൽ ആണെങ്കിലും, മനുഷ്യ ജീവന്റെ സ്നേഹ ശുശ്രുഷ പ്രതേകമായി കണ്ട് അതിനുള്ള പശ്ചാത്തലം ഒരുക്കിയതും കെസിബിസിയിലും സീറോ മലബാർ സിൻഡിലും ശക്തമായ നടപടികൾ എടുത്തതും മാർ പോൾ ചിറ്റിലപ്പള്ളി ആയിരുന്നുവെന്നു കെസിബിസി പ്രൊ ലൈഫ് സമിതിയുടെ പ്രസിഡന്റും, സീറോ മലബാർ സഭയുടെ പ്രൊ ലൈഫ് അപ്പോസ്തലറ്റിന്റെ സെക്രട്ടറിയുമായ സാബു ജോസ് അനുസ്മരിച്ചു.

കുടിയേറ്റ കാർഷിക മേഖലകളിൽ

സേവനം ചെയ്തപ്പോൾ,

വിശ്വാസത്തിനുവേണ്ടി

വിട്ടുവീഴ്ചയില്ലാതെ പ്രവർത്തിച്ചു.

വിശ്വാസവിരുദ്ധർ സഹിഷ്ണുതയില്ലാതെ പ്രതികരിച്ചപ്പോഴും, അദ്ദേഹം ഉത്തമ മാതൃകയോടെ പ്രവർത്തിച്ചു.

കുടുംബജീവിതത്തിന്റെ മഹത്തായ ദർശങ്ങൾ

സഭയിലും സമൂഹത്തിലും

സജീവമാക്കിയ മാർ പോൾ ചിറ്റിലപ്പള്ളിയെ

പ്രൊ ലൈഫ് ശുശ്രുഷകർ

എക്കാലവും സ്മരിക്കുമെന്നും അദ്ദേഹം പറഞ്ഞു.

കെസിബിസി പ്രൊ ലൈഫ് സമിതിയും,

സീറോ മലബാർ സഭയുടെ പ്രൊ ലൈഫ് അപ്പോസ്ഥലേറ്റും ആദരാഞ്ജലികള്‍ അര്‍പ്പിച്ചു