തിരുവനന്തപുരം: കോവിഡ് പശ്ചാത്തലത്തെ തുടര്‍ന്ന് വരുമാനം നിലച്ച സാഹചര്യത്തിൽ സ്‌കൂളുകള്‍ ഫീസ് കുത്തനെ കൂട്ടരുതെന്ന് മുഖ്യമന്ത്രി പിണറായി വിജയന്‍. കുട്ടികളെയും രക്ഷിതാക്കളെയും പിഴിയാന്‍ ഒരു സ്‌കൂളും ശ്രമിക്കരുതെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു. കോവിഡിന്റെ പശ്ചാത്തലത്തില്‍ സംസ്ഥാനത്ത് ചില സ്‌കൂളുകള്‍ ഫീസ് വര്‍ധിപ്പിക്കുന്നതായി ആക്ഷേപം ഉയര്‍ന്നിരുന്നു. ഈ പശ്ചാത്തലത്തിലാണ് മുഖ്യമന്ത്രിയുടെ പ്രതികരണം. സ്വകാര്യ സ്കൂളുകൾ ഫീസ് കുത്തനെ കൂട്ടരുത്.ഈ കാലം വളരെ പ്രത്യേകമായതാണ്. എല്ലാ മേഖലയിലും മാറ്റം വരുത്തേണ്ട കാലം. പഠനം പരമാവധി ഓണ്‍ലൈനാക്കുന്നതും വിദ്യാഭ്യാസ സ്ഥാപനങ്ങള്‍ അടച്ചിടുന്നതും […]