ഇടതു മുന്നണിയുടെ മിന്നുന്ന തെരഞ്ഞെടുപ്പു വിജയത്തിൽ പിണറായി സർക്കാർ തുടർഭരണത്തിനൊരുങ്ങുമ്പോൾ, പലരും ചോദിക്കുന്ന ഒരു ചോദ്യമിതാണ്: കോൺഗ്രസ്സിനു കേരളത്തിൽ എന്തു സംഭവിക്കുന്നു? ആഴത്തിലുള്ള പരിശോധന ആവശ്യപ്പെടുന്ന ഒരു ചോദ്യമാണത്. തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് ഫലം നൽകിയ രാഷ്ട്രീയ സൂചനകൾ മനസ്സിലാക്കുന്നതിൽ കോൺഗ്രസ്സ് പാർട്ടി പൂർണ്ണമായും പരാജയപ്പെട്ടു എന്നു തെളിയിക്കുന്നതാണ് തുടർന്നുവന്ന അസംബ്‌ളി തെരഞ്ഞെടുപ്പിൽ ആ പാർട്ടിയും മുന്നണിയും സ്വീകരിച്ച രാഷ്ട്രീയ നിലപാടില്ലായ്മയും തത്ഫലമായ പരാജയവും. അതു കേവലം സംഘടനാപരമായ മിനുക്കു പണികൊണ്ടോ അഴിച്ചുപണികൊണ്ടോ പരിഹരിക്കാൻ കഴിയുന്നതുമല്ല. […]