ആ ഫോട്ടോഗ്രാഫർ ഈ അച്ഛൻ തന്നെയാണ്.

ഒരു സ്കൂളിൽ ഗ്രൂപ്പ് ഫോട്ടോ എടുക്കാൻ വേണ്ടി ഹെഡ്മാസ്റ്റർ ഫോട്ടോഗ്രാഫറെ വിളിച്ചു.

ഫോട്ടോഗ്രാഫർ : ഒരു കുട്ടിക്ക് 20 രൂപ വച്ച് തരണം.

ഹെഡ് മാസ്റ്റർ : ഞങ്ങളുടെ സ്കൂളിലെ കുട്ടികളെല്ലാം പാവങ്ങളുടെ മക്കളാ. 10 രൂപവച്ച് തരും. ഫോട്ടോഗ്രാഫർ സമ്മതിച്ചു.

പിന്നീട് ഹെഡ് മാസ്റ്റർ ടീച്ചർമാരെ വിളിച്ചു : ഫോട്ടോസെഷന് വേണ്ടി കുട്ടികളോട് മുപ്പതു രൂപ കൊണ്ടുവരാൻ പറയണം”.

ടീച്ചേഴ്‌സ് കുട്ടികളോട് : ഗ്രൂപ്പ്ഫോട്ടോ എടുക്കാൻ എല്ലാവരും അമ്പതു രൂപ വച്ച് കൊണ്ടുവരണം.

ചില വികൃതിപിള്ളേർ തമ്മിൽ തമ്മിൽ പറഞ്ഞു. ഇതേ ടീച്ചേഴ്സിന്റെ കളിയാ. 20 രൂപയിൽകൂടുതൽ കൊടുക്കേണ്ടിവരില്ല ഫോട്ടോഗ്രാഫർക്ക്.
നമ്മുടെ പൈസ കൊണ്ട് ഇവർ പിന്നെ സ്റ്റാഫ് റൂമിൽ പുട്ടടിക്കും.

കുട്ടികൾ വീട്ടിൽ ചെന്ന് അമ്മയോട് : അമ്മേ, ഗ്രൂപ്പ് ഫോട്ടോ എടുക്കാൻ 100 രൂപ വേണം.
അമ്മ : 100 രൂപയോ? ഇതുവളരെ കൂടുതലല്ലേ. ഞാൻ അച്ഛനോട് ചോദിച്ചിട്ടു തരാം.

അമ്മ : ദേ, പിള്ളാർക്ക് ഫോട്ടോക്ക് പൈസ കൊടുക്കണം 200 രൂപ വേണമെന്ന് പറയുന്നു.

അച്ഛൻ വാ പൊളിച്ച് ഒരേ ഇരിപ്പ്. കാരണം, ആ ഫോട്ടോഗ്രാഫർ ഈ അച്ഛൻ തന്നെയാണ്.
😀😀😀. സത്യത്തിൽ ഇത് തന്നെയല്ലേ നമ്മുടെ നാട്ടിലെ എല്ലാ മേഖലയിലും നടക്കുന്നത്

എം ഡി ജോയി