ധീര രക്തസാക്ഷി രാജീവ്ജിയുടെ പാവനസ്മരണയ്ക്ക് മുന്നിൽ പ്രണാമം അർപ്പിക്കുന്നു…

പ്രധാനമന്ത്രിയും കോൺഗ്രസ് അധ്യക്ഷനുമായിരുന്ന ജനപ്രിയനേതാവ് രാജീവ് ഗാന്ധിയുടെ രക്തസാക്ഷിത്വത്തിന് മൂന്നു പതിറ്റാണ്ടായി.

ഇരുപത്തിയൊന്നാം നൂറ്റാണ്ടിനെ സ്വപ്നം കണ്ട് അതനുസരിച്ച് ദീർഘവീക്ഷണത്തോടെ രാജ്യപുരോഗതിക്കായി നിരവധി കർമ്മ പദ്ധതികൾ ആവിഷ്കരിച്ച് നടപ്പാക്കിയ, 18 വയസ്സുള്ളവർക്ക് വോട്ടവകാശം നൽകുന്നതിന് ഭരണഘടനാഭേദഗതിക്ക് നേതൃത്വം നൽകിയ, അധികാര വികേന്ദ്രീകരണത്തിന് ലക്ഷ്യമിട്ട് വിപ്ലവകരമായ പഞ്ചായത്തീരാജ്-നഗരപാലിക ഭരണഘടനാ ഭേദഗതി നിയമം കൊണ്ടുവരുന്നതിന് മുൻകൈയെടുത്ത, ശാസ്ത്ര സാങ്കേതിക രംഗത്ത് ഇന്ത്യയെ വൻ കുതിപ്പിലേക്കെത്തിച്ച, അന്തർദേശീയ രംഗത്ത് രാജ്യത്തിൻ്റെ അഭിമാനവും അന്തസ്സും ഉയർത്തിപ്പിടിച്ച ഭാവന സമ്പന്നനും ക്രാന്തദർശിയുമായ ഭരണാധികാരിയായിരുന്ന രാജീവ് ഗാന്ധിയുടെ മഹത്തായ സംഭാവനകളെ കടപ്പാടോടു കൂടി മാത്രമേ ഓരോ ഭാരതീയനും ഓർക്കാനാവൂ. അദ്ദേഹവുമായി ഇടപെട്ട സന്ദർഭങ്ങളിലുണ്ടായ അതീവ ഹൃദ്യമായ അനുഭവങ്ങൾ ഒരിക്കലും മറക്കാനാകില്ല.

രാജ്യത്തിൻ്റെ ഐക്യവും അഖണ്ഡതയും സംരക്ഷിക്കുന്നതിന് ജീവാർപ്പണം ചെയ്ത ധീര രക്തസാക്ഷി രാജീവ്ജിയുടെ പാവനസ്മരണയ്ക്ക് മുന്നിൽ പ്രണാമം അർപ്പിക്കുന്നു…

വി എം സുധീരൻ