ത്രിവൽസര യൂണിറ്ററി എൽ.എൽ.ബി (അഡിഷണൽ ബാച്ച്-സ്വാശ്രയം)പ്രവേശനം
തിരുവനന്തപുരം ഗവൺമെന്റ് ലോ കോളേജിൽ 2020-21 അദ്ധ്യയന വർഷത്തിൽ സ്വാശ്രയാടിസ്ഥാനത്തിൽ നടത്തുന്ന ത്രിവൽസര യൂണിറ്ററി എൽ.എൽ.ബി (അഡിഷണൽ ബാച്ച്) കോഴ്‌സിലെ പ്രവേശനത്തിന് അപേക്ഷ ക്ഷണിച്ചു. അഞ്ച് വർഷം റഗുലർസർവ്വീസുള്ള തിരുവനന്തപുരം ജില്ലയിൽ ജോലി ചെയ്യുന്ന (സർക്കാർ-സ്വകാര്യ) ജീവനക്കാർക്ക് അപേക്ഷിക്കാം.
പ്രവേശനത്തിനുള്ള അപേക്ഷാഫോറം ജൂൺ 17 മുതൽ കോളേജ് ഓഫീസിൽ നിന്നും രാവിലെ 10 മണി മുതൽ വൈകുന്നേരം നാല് മണിവരെ 1000/- രൂപ (എസ്.സി/എസ്.റ്റി വിഭാഗക്കാർക്ക് 500/- രൂപ) അടച്ച് വാങ്ങാം. പൂരിപ്പിച്ച അപേക്ഷാ ഫോറം സ്വീകരിക്കുന്ന അവസാന തിയതി ജൂലൈ 30 വൈകുന്നേരം നാല് മണി. വിശദവിവരങ്ങൾക്ക്: 9746081444/8606803525.