‘അഴിമതി മുക്ത കേരള’വുമായി‌ മുഖ്യമന്ത്രി

തിരുവനന്തപുരം: സംസ്ഥാനത്ത് അഴിമതി തടയാന്‍ പദ്ധതിയുമായി മുഖ്യമന്ത്രി പിണറായി വിജയന്‍. അ​ഴി​മ​തി​യെ​ക്കു​റി​ച്ച്‌ വി​വ​രം ന​ല്‍​കു​ന്ന​വ​ര്‍​ക്കു​ണ്ടാ​കു​ന്ന ബു​ദ്ധി​മു​ട്ടു​ക​ളെ​ക്കു​റി​ച്ചു​ള്ള ആ​ശ​ങ്ക പ​രി​ഹ​രി​ക്കാ​ന്‍ അ​ഴി​മ​തി​മു​ക്ത കേ​ര​ളം പ​ദ്ധ​തി ന​ട​പ്പാ​ക്കു​മെ​ന്ന് മു​ഖ്യ​മ​ന്ത്രി വാര്‍ത്താസമ്മേളനത്തില്‍ അറിയിച്ചു.

പൊ​തു​രം​ഗ​ത്തു​ണ്ടാ​കു​ന്ന അ​ഴി​മ​തി സ​മൂ​ഹ​ത്തി​ലെ പു​ഴു​ക്കു​ത്താ​ണ്. അ​ഴി​മ​തി ത​ട​യാ​ന്‍ പ​ല രീ​തി​ക​ളും പ​രീ​ക്ഷി​ച്ച​താ​ണ്. അ​ഴി​മ​തി​യെ​ക്കു​റി​ച്ച്‌ കൃ​ത്യ​മാ​യ വി​വ​രം ന​ല്‍​കു​ന്ന​വ​ര്‍​ക്ക് പ​രാ​തി​പ്പെ​ട്ടാ​ലു​ണ്ടാ​കു​ന്ന ബു​ദ്ധി​മു​ട്ടു​ക​ളെ​ക്കു​റി​ച്ചു​ള്ള ആ​ശ​ങ്ക പ​രി​ഹ​രി​ക്കാ​നാ​ണ് അ​ഴി​മ​തി​മു​ക്ത കേ​ര​ളം ന​ട​പ്പാ​ക്കു​ന്ന​ത്. റി​പ്പ​ബ്ലി​ക് ദി​ന​ത്തി​ല്‍ ഈ ​പ​ദ്ധ​തി തു​ട​ങ്ങു​മെ​ന്നും മു​ഖ്യ​മ​ന്ത്രി അ​റി​യി​ച്ചു.

വിവരം തരുന്നവരുടെ പേര് രഹസ്യമായി സൂക്ഷിക്കും. സര്‍ക്കാര്‍ വിജ്ഞാപനം ചെയ്യുന്ന അതോറിട്ടിക്ക് മുന്നില്‍ സോഫ്ട്‌വെയര്‍ വഴി പരാതി നല്‍കാം. വിവരം നല്‍കുന്നവര്‍ ഒരു സര്‍ക്കാരോഫീസിലും കയറേണ്ടി വരില്ല. പരാതിയുടെ നിജസ്ഥിതി മനസിലാക്കി അതോറിട്ടി അതത് വകുപ്പുകള്‍ക്ക് കൈമാറും. വിജിലന്‍സ് അടക്കമുള്ള സംവിധാനങ്ങള്‍ക്ക് ആവശ്യമെങ്കില്‍ പരാതി നല്‍കും. രണ്ട് ഉദ്യോഗസ്ഥര്‍ കണ്ട ശേഷമാണ് ഈ പരാതി സംവിധാനത്തിലേക്ക് കൈമാറുക. കഴമ്ബില്ലാത്ത പരാതികള്‍ ഇത് വഴി ഫില്‍ട്ടര്‍ ചെയ്യാനാകും. കേരളത്തില്‍ നാഴികക്കല്ലാകുന്ന പരിപാടിയാണിതെന്നും മുഖ്യമന്ത്രി കൂ​ട്ടി​ച്ചേ​ര്‍​ത്തു.