ആഗോള കൊവിഡ് മരണം 4.51 ലക്ഷം കടന്നു; അമേരിക്കയിൽ മാത്രം 1.19 ലക്ഷം മരണങ്ങൾ
വാഷിങ്ടൺ: ലോകത്ത് കൊവിഡ് ബാധിതരുടെ എണ്ണവും മരണസംഖ്യയും ഉയരുന്നു. ആഗോള കൊവിഡ് മരണം 4.51 ലക്ഷം കടന്നെന്നാണ് വേൾർഡോ മീറ്ററിന്‍റെ കണക്ക് വ്യക്തമാക്കുന്നത്. ഏറ്റവും കൂടുതൽ പേർ മരിച്ചിരിക്കുന്നത് അമേരിക്കയിലാണ്. 119941 പേർക്കാണ് അമേരിക്കയിൽ വൈറസ് ബാധമൂലം ജീവൻ നഷ്ടമായത്. ആകെ കൊവിഡ് ബാധിതരുടെ എണ്ണം 8400129 ആയി ഉയർന്നിട്ടുമുണ്ട്. ഇതുവരെ രോഗം സ്ഥിരീകരിച്ചവരിൽ 4,414,991 പേർക്കാണ് രോഗമുക്തി ലഭിച്ചത്. നിലവിൽ വിവിധ രാജ്യങ്ങളിലായി 3,533,875 പേർ ചികിത്സയിലാണ്
. അമേരിക്കയിൽ കൊവിഡ് മരണം 1.20 ലക്ഷത്തിലേക്ക്
ലോകത്ത് കൊവിഡ് ഏറ്റവും അതികം ദുരിതം വിതച്ച അമേരിക്കയിൽ മരണസംഖ്യ 1.20 ലക്ഷത്തിലേക്ക് അടുക്കുകയാണ്. നിലവിൽ 119,941 പേരാണ് കൊവിഡ് ബാധിച്ച് യുഎസിൽ മരിച്ചത്. രോഗബാധിതരുടെ എണ്ണം 2234471 ആണെന്നതും ശ്രദ്ധേയമാണ്. നിലവിൽ ചികിത്സയിലുള്ള 1195734 പേരിൽ 16644 പേരുടെ നില ഗുരുതരമായി തുടരുകയാണെന്നും വേൾഡോമീറ്റർ വ്യക്തമാക്കുന്നു. രോഗം സ്ഥിരീകരിച്ച് ചികിത്സയിലായിരുന്നവരിൽ 918,796 പേരുടെ പരിശോധനാ ഫലമാണ് ഇവിടെ നെഗറ്റീവായത്.
ബ്രസീലിൽ കൊവിഡ് ബാധിതരുടെ എണ്ണം 10 ലക്ഷത്തിലേക്ക്
ബ്രസീലിൽ കൊവിഡ് രോഗികളുടെ എണ്ണം പത്ത് ലക്ഷത്തിലേക്ക് അടുക്കുകയാണ്. നിലവിൽ 960309 പേർക്കാണ് ഇവിടെ രോഗം സ്ഥിരീകരിച്ചത്. കഴിഞ്ഞദിവസം 32,188 കേസുകൾ റിപ്പോർട്ട് ചെയ്തതോടെയാണ് കൊവിഡ് ബാധിതരുടെ എണ്ണത്തിൽ വർധനവുണ്ടായത്. 1269 മരണങ്ങൾ കൂടി റിപ്പോർട്ട് ചെയ്തതോടെ മരണ സംഖ്യ 46,665 ആയും ഉയർന്നിട്ടുണ്ട്. മരണസംഖ്യയിലും രോഗബാധിതരുടെ എണ്ണത്തിലും അമേരിക്കയ്ക്ക് പിന്നിൽ രണ്ടാമതാണ് ബ്രസീൽ. ഇവിടെ 503507 പേർക്കാണ് ഇതുവരെ രോഗമുക്തി ലഭിച്ചത്. നിലവിൽ 410137 പേർ ചികിത്സയിലാണ്.ജൂൺ 17ന് ബെയ്ജിങ്ങിൽ 21 പേർക്ക് കൊവിഡ് സ്ഥിരീകരിച്ചെന്നാണ് ആരോഗ്യവകുപ്പ് വ്യക്തമാക്കുന്നത്. കൊവിഡ്-19 ഉത്ഭവിച്ച ചൈനയിൽ ഇതുവരെ രോഗം സ്ഥിരീകരിച്ചത് 82,293 പേർക്കാണ്. ഇതിൽ 78394 പേർക്കും രോഗമുക്തി ലഭിച്ചപ്പോൾ മരണത്തിന് കീഴടങ്ങിയത് 4634 പേരാണ്. നിലവിൽ വെറും 265 പേരാണ് രാജ്യത്ത് ചികിത്സയിലുള്ളത്. ഇവരിൽ ഏഴുപേരുടെ നില ഗുരുതരമാണെന്നും കണക്കുകൾ വ്യക്തമാക്കുന്നു
ബെയ്ജിങ്ങിൽ 21 പേർക്ക് കൂടി കൊവിഡ്
ജൂൺ 17ന് ബെയ്ജിങ്ങിൽ 21 പേർക്ക് കൊവിഡ് സ്ഥിരീകരിച്ചെന്നാണ് ആരോഗ്യവകുപ്പ് വ്യക്തമാക്കുന്നത്. കൊവിഡ്-19 ഉത്ഭവിച്ച ചൈനയിൽ ഇതുവരെ രോഗം സ്ഥിരീകരിച്ചത് 82,293 പേർക്കാണ്. ഇതിൽ 78394 പേർക്കും രോഗമുക്തി ലഭിച്ചപ്പോൾ മരണത്തിന് കീഴടങ്ങിയത് 4634 പേരാണ്. നിലവിൽ വെറും 265 പേരാണ് രാജ്യത്ത് ചികിത്സയിലുള്ളത്. ഇവരിൽ ഏഴുപേരുടെ നില ഗുരുതരമാണെന്നും കണക്കുകൾ വ്യക്തമാക്കുന്നു.