കാലം കണക്കു ചോദിക്കുന്നു…! ആളുകളെ ഇൻറർവ്യൂ ചെയ്ത് ബസ്സിൽ കയറ്റിയിരുന്ന കിളികളും കണ്ടക്ടർമാരും ആളുകളെ ആനയിച്ച് ബസ്സിൽ കയറ്റുന്നു. റോഡുകളിലൂടെ മിന്നൽ പോലെ പറന്നിരുന്ന ബസ്സുകൾ അരികിലൂടെ പോകുന്നവർക്കടുത്ത് വന്നുനിന്ന് ക്ഷണിക്കുന്നു. വേണമെങ്കിൽ വാങ്ങിയാൽ മതി എന്നു പറഞ്ഞിരുന്ന കടക്കാരൻ സാധനങ്ങൾ വീട്ടിലെത്തിച്ചു തരാമെന്ന് പറയുന്നു. ഒന്നിനും നേരമില്ലാത്ത മനുഷ്യരുടെ മരണപ്പാച്ചിലുകളെല്ലാം അവസാനിച്ചിരിക്കുന്നു. വീട്ടിൽ നിന്ന് ഇറങ്ങുന്നതു മുതൽ ലോകമറിയാതെ മൊബൈലിൽ സംസാരിച്ചുകൊണ്ടേയിരുന്ന വായകളെല്ലാം കെട്ടപ്പെട്ടിരിക്കുന്നു. എത്ര വിളിച്ചാലും പണിക്ക് വരാത്തവർ പണിയുണ്ടോ എന്ന് വന്നു ചോദിക്കുന്നു. […]