വർധിച്ചു വരുന്ന കാൻസർ പോലുള്ള രോഗങ്ങളും പ്രകൃതി ദുരന്തങ്ങളും നമ്മെ ഓർമപ്പെടുത്തുന്നത് പ്രകൃതി സൗഹൃദപരമായ കാർബൺ തുലിത കൃഷിരീതിയുടേയും സസ്യപരിപാലനത്തിന്റേയും ആവശ്യകതയെക്കുറിച്ചാണെന്ന് കൃഷി വകുപ്പുമന്ത്രി പി. പ്രസാദ് അഭിപ്രായപ്പെട്ടു. വാരനാട് ലിസ്യു നഗർ ഇടവകയും എറണാകുളം – അങ്കമാലി അതിരൂപതാ സാമൂഹ്യ പ്രവർത്തന വിഭാഗമായ സഹൃദയയും സംയുക്തമായി സംഘടിപ്പിച്ച വിശ്വാസവനം പദ്ധതിയുടെ ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം. ബൈബിൾ, രാമായണം, മഹാഭാരതം, ഖുറാൻ എന്നീ വിശുദ്ധ ഗ്രന്ഥങ്ങളിൽ പ്രതിപാദിക്കുന്ന മുന്നൂറോളം സ്വദേശ, വിദേശ സസ്യങ്ങളുടെ ശേഖരമാണ് വിശ്വാസവനം. […]