‘അമ്മേ, ഈ സ്വര്‍ഗ്ഗത്തില്‍ പോയവരുടെ ലിസ്റ്റ് മാര്‍പ്പാപ്പ പ്രസിദ്ധീകരിക്കുനതുപോലെ നരകത്തില്‍ പോയവരുടെ ലിസ്റ്റ്  പ്രസിദ്ധീകരിക്കാത്തതെന്തേ?’ ‘മാര്‍പ്പാപ്പ അങ്ങനെ ലിസ്റ്റ് ഒന്നും ഇറക്കുന്നതായി  ഞാന്‍ കേട്ടിട്ടില്ല’  അടുക്കളയിലെ തിരക്കിനിടയില്‍ അമ്മ മറുപടി പറഞ്ഞു.   ‘അതല്ലമ്മേ,  ഈ വിശുദ്ധരായി പ്രഖ്യാപിച്ചു എന്നൊക്കെ പത്രത്തില്‍ കണ്ടിട്ടില്ലേ?  അവരൊക്കെ സ്വര്‍ഗ്ഗത്തില്‍ പോയവരല്ലേ?  ആ കാര്യമാ ചോദിച്ചെ.’  മകന്‍ വിശദീകരിച്ചു. ‘ഓ! അതാണോ ചോദിച്ചത്?  നീ ആ ബൈബിള്‍ ഇങ്ങേടുത്തോണ്ട് വാ.  എന്നിട്ടു മത്തായി എഴുതിയ സുവിശേഷത്തിലെ പതിനാറാം അദ്ധ്യായത്തിലെ പത്തൊന്‍പതാം വാക്യം ഒന്നുറക്കെ വായിച്ചേ?’കറിയ്ക്കരിയുന്നതിനിടയില്‍  അമ്മ നിര്‍ദ്ദേശിച്ചു.  മകന്‍ ബൈബിള്‍ എടുത്തു വചനം തപ്പി കണ്ടുപിടിച്ചു വായിച്ചു. ‘സ്വര്‍ഗ്ഗരാജ്യത്തിന്റെ താക്കോലുകള്‍ […]