പെട്ടിമുടി ദുരന്ത മേഖലയില്‍ ഇടുക്കി രൂപതാധ്യക്ഷനും വൈദികരും സന്ദര്‍ശനം നടത്തി
പെട്ടിമുടി: ഇടുക്കി രാജമല പെട്ടിമുടി ദുരന്ത ഭൂമിയില്‍ രൂപതാധ്യക്ഷൻ മാർ ജോൺ നെല്ലിക്കുന്നേലും വൈദികരും സന്ദര്‍ശനം നടത്തി. വികാരി ജനറാൾ മോൺ. ജോസ് പ്ലാച്ചിക്കൽ, രൂപതാ സോഷ്യൽ സർവ്വീസ് ഡയറക്ടർ ഫാ. മാത്യു തടത്തിൽ, കെസിവൈഎം രൂപതാ ഡയറക്ടർ ഫാ. മാത്യു ഞവരക്കാട്ട്, മൂന്നാർ പള്ളി വികാരി ഫാ. തോമസ് വടക്കേഈന്തോട്ടത്തിൽ എന്നിവരുടെ ഒപ്പമാണ് ബിഷപ്പ് സന്ദര്‍ശനം നടത്തിയത്. പെട്ടിമുടി ദുരന്തത്തിൽ മരണമടഞ്ഞവർ അന്ത്യവിശ്രമം കൊള്ളുന്ന സ്ഥലത്തെത്തി സംഘം പ്രാര്‍ത്ഥന നടത്തി.