പ്രീ ​വെ​ഡിം​ഗ് ഷൂ​ട്ടി​നി​ടെ തോണി മറിഞ്ഞു: യു​വാ​വി​നും യു​വ​തി​ക്കും ദാ​രു​ണാ​ന്ത്യം

മൈ​സൂ​രു: വി​വാ​ഹ​ത്തി​ന് മു​ന്നോ​ടി​യാ​യുള്ള വീ​ഡി​യോ ചി​ത്രീ​ക​രി​ക്കു​ന്ന​തി​നി​ടെ യു​വാ​വി​നും യു​വ​തി​ക്കും ദാ​രു​ണാ​ന്ത്യം. ക​ര്‍​ണാ​ട​ക​യി​ലെ ത​ല​ക്കാ​ടി​ല്‍ കാ​വേ​രി ന​ദി​യി​ലാ​ണ് ദു​ര​ന്ത​മു​ണ്ടാ​യ​ത്.സിവില്‍ കോണ്‍ട്രാക്റ്ററായ ചന്ദ്രു(28), വധു ശശികല എന്നിവരാണ് ദുരന്തത്തിന് ഇരകളായത്.കഴിഞ്ഞ അഞ്ചുവര്‍ഷമായി പ്രണയത്തിലായിരുന്നു ഇരുവരും കയ്തമാരണഹള്ളി സ്വദേശികളാണ്. ന​വം​ബ​ര്‍ 22-നാ​യി​രു​ന്നു ഇ​രു​വ​രു​ടെ​യും വി​വാ​ഹം നി​ശ്ച​യി​ച്ചി​രു​ന്ന​ത്.

വരനും വധുവും ബന്ധുക്കള്‍ക്കും ഫോട്ടോഗ്രാഫര്‍മാര്‍ക്കും ഒപ്പമാണ് മല്ലികാര്‍ജ്ജുന സ്വാമി ക്ഷേത്രത്തില്‍ എത്തിയത്. രണ്ട് തോണികള്‍ സംഘം വാടകയ്ക്ക് എടുത്തിരുന്നു. നദിക്ക് അക്കരെയുള്ള കട്ടേപ്പുരയിലെ തലക്കാട് ജലധാമ റിവര്‍ റിസോര്‍ട്ടിലേക്കായിരുന്നു യാത്ര. നദിക്കരയില്‍ നിന്ന് ഏതാണ്ട് 30 മീറ്റര്‍ നീങ്ങിയപ്പോഴേക്കും വധൂവരന്മാര്‍ ഫോട്ടോയ്ക്ക് പോസ് ചെയ്യാന്‍ ശ്രമിച്ചു.

തോണിയില്‍ നില്‍ക്കെ, ഹൈഹീല്‍ഡ് ചെരുപ്പ് ധരിച്ചിരുന്ന ശശികലയ്ക്ക് ബാലന്‍സ് തെറ്റി നദിയിലേക്ക് വീഴുകയായിരുന്നു. ചന്ദ്രു ശശികലയെ രക്ഷിക്കാന്‍ ശ്രമിച്ചു. ബഹളത്തിനിടെ, തോണി മറിയുകയും ചന്ദ്രുവും ബന്ധുക്കളും തോണിക്കാരനും നദിയിലേക്ക് വീഴുകയും ചെയ്തു. നീ​ന്ത​ല്‍ വ​ശ​മി​ല്ലാ​തി​രു​ന്ന ഇ​രു​വ​രും സം​ഭ​വ സ്ഥ​ല​ത്ത് ത​ന്നെ മ​രി​ച്ചു.

പോ​ലീ​സും മു​ങ്ങ​ല്‍ വി​ദ​ഗ്ധ​രും നാ​ട്ടു​കാ​രും ചേ​ര്‍​ന്ന് നാ​ല് മ​ണി​ക്കൂ​ര്‍ തെ​ര​ച്ചി​ല്‍ ന​ട​ത്തി​യാ​ണ് മൃ​ത​ദേ​ഹ​ങ്ങ​ള്‍ ക​ണ്ടെ​ടു​ത്ത​ത്. ഇ​രു​വ​രും ബ​ന്ധു​ക്ക​ള്‍​ക്കൊ​പ്പ​മാ​ണ് ഷൂ​ട്ടിം​ഗി​ന് എ​ത്തി​യ​ത്.