കേരളത്തിലെ സെൻട്രൽ സ്കൂളുകളിലും, സി ബി എസ് സി സ്കൂളുകളിലും മലയാളം നിർബന്ധ ഭാഷയാക്കാൻ നിയമ യുദ്ധം നടത്തിയ മഹാരാജാസ് കോളേജിലെ മുൻ മലയാള വകുപ്പ് മേധാവി ഡോക്ടർ ജോർജ് ഇരുമ്പയം ഇന്ന് എൺപത്തിനാല് വയസ്സിന്റെ നിറവിൽ. മലയാള സംരക്ഷണ വേദിയുടെ കാര്യദർശി എന്ന നിലയിൽ ഇദ്ദേഹം നടത്തിയ നിയമ പോരാട്ടങ്ങൾ മലയാളം പഠിക്കാൻ കൊള്ളാവുന്ന ഒരു ഭാഷയാണ് എന്ന് ഒരു തലമുറയെ ബോദ്ധ്യപ്പെടുത്തി.