സമാഹരിക്കുന്ന വോട്ടുകൾ കൊണ്ട് ചിലരുടെ പരാജയമാണ് ഈ മീഡിയ നിർമ്മിത പുലി ലക്ഷ്യമാക്കുന്നത്.|ഡോ . സി. ജെ. ജോൺ

ഗ്രഹണ കാലത്ത് ഞാഞ്ഞൂളും തല പൊക്കുമെന്ന് പറഞ്ഞത് തെരെഞ്ഞെടുപ്പ് കാലത്തിനും പ്രസക്തമാണ്.അനധികൃത നിർമ്മാണ പ്രവർത്തനങ്ങൾക്കും,

വലിയ വായയിലെ ആരോപണങ്ങൾക്കും വർത്തമാനങ്ങൾക്കും പേര് കേട്ട

ഒരു പുള്ളി ചൊല്ലുന്ന ശുദ്ധീകരണ

സൂക്തങ്ങൾ കേൾക്കാൻ ആളുണ്ട്.

ഗ്ലാമർ കൂട്ടാനായി മൂപ്പർ കല്ലെറിയുന്നത് ഇടത്തും വലത്തുമുള്ള വലിയ പുള്ളികളെ മാത്രം.ഒറ്റ വെടിക്ക് മുഖ്യമന്ത്രിയും പ്രതിപക്ഷ നേതാവും ഒരുമിച്ചു വീഴണമെന്ന മഹനീയ അജണ്ടയിലാണ് പ്രവർത്തനം .

വലിഞ്ഞു കയറാൻ മോഹിക്കുന്ന മുന്നണിയിൽ ഭിന്നിപ്പുണ്ടാക്കുകയെന്ന തന്ത്രമാണ് പയറ്റുന്നത്.ഇറങ്ങി പോന്ന ഇടത്തിൽ അത് ചെലവായില്ല . ആളുകൾ പൂർവ ചരിത്രം മറന്ന്‌ പുണ്യാളനാക്കി ഇദ്ദേഹത്തിന്റെ സ്ഥാനാർഥികൾക്ക് വോട്ട് ചെയ്യുമോ?

പിന്തുണയ്ക്കുമോ ?സമാഹരിക്കുന്ന വോട്ടുകൾ കൊണ്ട് ചിലരുടെ പരാജയമാണ് ഈ മീഡിയ നിർമ്മിത പുലി ലക്ഷ്യമാക്കുന്നത്.

ഇത് തിരിച്ചറിയാനുള്ള ബുദ്ധി ജനത്തിനുണ്ടോയെന്ന് പരിശോധിക്കാൻ വേണ്ടിയെങ്കിലും

മൂപ്പരുടെ സ്ഥാനാർത്ഥികൾ എല്ലാ മണ്ഡലത്തിലും മത്സരിക്കണമെന്നാണ് ആഗ്രഹം .അത് കൊണ്ട് ഒരിടത്തു ജയിക്കുന്ന കക്ഷി ആരെന്ന് മൂപ്പർ പ്രവചിച്ചു കഴിഞ്ഞു. എന്നാൽ അത് മറ്റൊരാളുടെ വായിലേക്ക് ഇട്ടു കൊടുത്തുവെന്ന് മാത്രം. വിഡ്ഢികളുടെ സ്വർഗ്ഗത്തിൽ ഈ സുൽത്താന് വിളവെടുക്കാനാകുമോ ?വർത്തമാന കാല രാഷ്ട്രീയത്തെ വല്ലാത്തൊരു അശ്ലീലമാക്കി മാറ്റാൻ ഇറങ്ങി തിരിക്കുന്നവർക്ക് ജനം മറുപടി നൽകുമെന്നാണ് വിശ്വാസം. ജനത്തിലാണ് ഇപ്പോൾ വിശ്വാസം .

(ഡോ . സി. ജെ. ജോൺ )