പ്രതി സന്ധി മാനേജമെന്റിനുള്ള സമ്മാനം കൂടിയാണ് ഈ തുടർ ഭരണം .
പിണറായി വിജയൻ മന്ത്രിസഭയുടെ നാളുകളിൽ പ്രളയമോ പ്രകൃതിയുടെ കെടുതികളോ ഉണ്ടായില്ലെന്ന് കരുതുക. നിപ്പായും കോവിഡും ഭീഷണി ഉയർത്തിയില്ലെന്നും സങ്കൽപ്പിക്കുക .ഒരു പ്രതിസന്ധിയുമില്ലാത്ത സാധാരണ അഞ്ചു വർഷങ്ങളായിരുന്നുവെങ്കിൽ തുടർ ഭരണത്തിന് കൂടുതൽ ക്ലേശിക്കേണ്ടി വരുമായിരുന്നു .
ചിലപ്പോൾ ഭരണ മാറ്റവും ഉണ്ടായേനെ .മനുഷ്യൻ വല്ലാത്ത അരക്ഷിത കാലത്തിലൂടെ കടന്നു പോയപ്പോൾ ഞാനും എന്റെ സർക്കാരും കൂടെയുണ്ടെന്ന് ആവർത്തിച്ച് പറയുകയും, ആ തോന്നലുണ്ടാക്കുകയും ചെയ്തതിനുള്ള അംഗീകാരമാണ് ഇപ്പോഴത്തെ തെരെഞ്ഞെടുപ്പ് വിധി .
വോട്ട് ചെയ്തതിൽ എല്ലാ കക്ഷികളിൽ പെട്ടവരുമുണ്ട് . അയ്യേ ഇത് രാഷ്ട്രീയമാണോയെന്ന് ചൊല്ലി മൂക്കത്തു വിരൽ വയ്ക്കാൻ പോകുന്നവരുണ്ടാകും. ഈ ഫീൽ ഗുഡ് ഉണ്ടാക്കുന്നതും രാഷ്ട്രീയം തന്നെയാണെന്നാണ് പിണറായി വിജയൻ തെളിയിച്ചിരിക്കുന്നത്.
പ്രതി സന്ധി മാനേജമെന്റിനുള്ള സമ്മാനം കൂടിയാണ് ഈ തുടർ ഭരണം .
ആദ്യ മൂന്ന് മൂന്നര വർഷം ഉറങ്ങി ,അവസാന വർഷങ്ങളിൽ തീയും പുകയും ഉണ്ടാക്കുന്നതാണ് പ്രതിപക്ഷ ഇടപെടലെന്ന് ധരിച്ചവർക്കുള്ള തിരിച്ചടിയും.
സമൂഹം ഒട്ടാകെ നേരിട്ട പ്രതിസന്ധി ഫാക്ടര്‍ഇല്ലായിരുന്നെങ്കിൽ ഈ തീയും പുകയും ചിലപ്പോള്‍ പ്രയോജനപ്പെട്ടേനെ .
ഡോ . സി .ജെ .ജോൺ