നീതിക്കുവേണ്ടിയുള്ള ധർമ്മ സമരത്തിന് 75 ആണ്ട്! | പട്ടികജാതി വിഭാഗത്തിൽനിന്നുള്ള ക്രിസ്തുമത വിശ്വസികൾക്കു അതേ നീതി നിഷേധിക്കുന്നത് മതപരമായ വിവേചനം
നീതിക്കുവേണ്ടിയുള്ള ധർമ്മ സമരത്തിന് 75 ആണ്ട്!
ഇന്ന് നീതി ഞായർ, ക്രൈസ്തവ വിശ്വസത്തിലേക്കു കടന്നുവന്നു എന്ന ഏകകാരണംകൊണ്ടു ഭരണഘടനാ ആനുകൂല്യങ്ങൾ നിഷേധിക്കപ്പെട്ട മനുഷ്യരോടൊപ്പം നിൽക്കാനും അവർക്കു നിഷേധിക്കപ്പെട്ട നീതി ലഭ്യമാക്കാനും വേണ്ടിയുള്ള ധാർമ്മിക സമരത്തിന്റെ സമയം.
1950 മുതൽ നീണ്ട 75 വർഷണങ്ങളായി സ്വതന്ത്രഭാരതം കണ്ട ഏറ്റവും വലിയ ഭരണഘടനാ അവകാശലംഘനത്തിന്. ക്രൈസ്തവ മതത്തിൽ ജാതീയമായ വേർതിരിവുകൾ ഇല്ലെന്ന കാരണം പറഞ്ഞാണ് ക്രിസ്തുമതത്തിലേക്ക് പരിവർത്തനം ചെയ്യപ്പെട്ട ദളിതർക്കു ഭരണഘടനാ അനുശാസിക്കുന്ന പട്ടികജാതി ആനുകൂല്യങ്ങൾ നിഷേധിക്കുന്നതെങ്കിൽ, ദളിത് വിഭാഗങ്ങൾക്ക് ഭരണഘടന സംവരണം ഏർപ്പെടുത്തിയത്, മതപരമായ വേർതിരിവുകൾ അവസാനിപ്പിക്കുക എന്ന ലക്ഷ്യത്തോടെയായിരുന്നില്ല; മറിച്ചു, നൂറ്റാണ്ടുകളായി സാമൂഹിക വ്യവസ്ഥിതിയുടെ പുറമ്പോക്കുകളിൽ കഴിഞ്ഞിരുന്ന മനുഷ്യർക്ക് മുഖ്യധാരയിലേക്ക് കടന്നുവരാൻവേണ്ട സുരക്ഷാ ഒരുക്കാൻ വേണ്ടിയായിരുന്നു. 1956 – ഇൽ സിക്കുമതത്തിലും, 1990 – ഇൽ ബുദ്ധമതത്തിലും വിശ്വസിക്കുന്നവർക്ക് സംവരണം ഉറപ്പാക്കിയിട്ടും, പട്ടികജാതി വിഭാഗത്തിൽനിന്നുള്ള ക്രിസ്തുമത വിശ്വസികൾക്കു അതേ നീതി നിഷേധിക്കുന്നത് മതപരമായ വിവേചനം എന്നല്ലാതെ എന്ത് പറയാൻ.
