
സംസ്ഥാനത്ത് നാല് കോവിഡ് മരണങ്ങൾ കൂടി
by Henry Sunny
കോട്ടയം: സംസ്ഥാനത്ത് കോവിഡ് മരണങ്ങൾ വർധിക്കുന്നു. ഇന്ന് നാലു മരണങ്ങളാണ് റിപ്പോർട്ട് ചെയ്തത്. കോഴിക്കോട്, കോട്ടയം, പത്തനംതിട്ട, കാസർഗോഡ് സ്വദേശികളാണ് മരിച്ചത്.
കോഴിക്കോട് മാവൂർ സ്വദേശി ബഷീർ, കോട്ടയം വടവാതൂർ സ്വദേശി ചന്ദ്രൻ, പത്തനംതിട്ട പ്രമാടം സ്വദേശി പുരുഷോത്തമൻ (70), കാസർഗോഡ് തൃക്കരിപ്പൂർ ഇയ്യക്കാട് സ്വദേശി പി. വിജയകുമാർ (55) എന്നിവരാണ് മരിച്ചത്.
മരിച്ച പത്തനംതിട്ട സ്വദേശി പുരുഷോത്തമൻ വിമുക്ത ഭടനാണ്. ഇയാളുടെ കുടുംബത്തിലെ എട്ടു മാസം പ്രായമായ കുഞ്ഞടക്കം ഏഴു പേർ കോവിഡ് ചികിത്സയിലാണ്.