മുംബൈ ഭീകരാക്രമണത്തിന്റെ സൂത്രധാരന്‍ അറസ്റ്റില്‍

ഇ​സ്‌​ലാ​മാ​ബാ​ദ്: മും​ബൈ ഭീ​ക​രാ​ക്ര​മ​ണ സൂ​ത്ര​ധാ​ര​നും ല​ഷ്‌​ക​ര്‍-​ഇ-​തോ​യ്‌​ബ തീ​വ്ര​വാ​ദി​യു​മാ​യ സഖി ഉര്‍റഹ്മാന്‍ ലഖ്‌വി (61) പാ​ക്കി​സ്ഥാ​നി​ല്‍ അ​റ​സ്റ്റി​ല്‍. ഭീ​ക​ര​സം​ഘ​ട​ന​ക​ള്‍​ക്ക് ധ​ന​സ​ഹാ​യം ന​ല്‍​കി​യെ​ന്ന കേ​സി​ലാ​ണ് ഇ​യാ​ളെ അ​റ​സ്റ്റ് ചെ​യ്ത​ത്.

ഇതുമായി ബന്ധപ്പെട്ട് പാകിസ്ഥാനിലെ പഞ്ചാബില്‍ ലഖ്‌വിക്കെതിരെ കേസ് രജിസ്റ്റര്‍ ചെയ്തിരുന്നു. പിന്നാലെയാണ് അറസ്റ്റ്. പഞ്ചാബ് ഭീകരവിരുദ്ധ വിഭാഗമാണ് ഇയാള്‍ക്കെതിരെ കേസെടുത്തിരിക്കുന്നത്. ഇയാള്‍ തീവ്രവാദ പ്രവര്‍ത്തനങ്ങള്‍ക്കായി പണം സമാഹരിക്കുകയും അതുപയോഗിച്ച്‌ ഒരു ആശുപത്രി നടത്തുകയും ചെയ്തതായി കണ്ടെത്തിയിട്ടുണ്ട്.

മുംബൈ ആക്രമണത്തെ തുടര്‍ന്ന് ലഖ്‌വിയെ യുഎന്‍ ആഗോള ഭീകരനായി പ്രഖ്യാപിച്ചിരുന്നു. 2008ല്‍ നടന്ന മുംബൈ ഭീകരാക്രമണത്തില്‍ 166 പേര്‍ കൊല്ലപ്പെടുകയും 300ല്‍ അധികം പേര്‍ക്ക് പരിക്കേല്‍ക്കുകയും ചെയ്തിരുന്നു. പാകിസ്ഥാനില്‍ നിന്നുള്ള 10 ലഷ്കറെ തൊയ്ബ ഭീകരരാണ് ആക്രമണം നടത്തിയത്. ആറ് വര്‍ഷത്തോളം പാകിസ്ഥാനില്‍ തടവില്‍ കഴിഞ്ഞ സാക്കിയുര്‍ റഹ്മാന്‍ ലഖ്‌വി 2015ല്‍ ആണ് മോചിതനായത്.