വഴിയോര മത്സ്യ വിൽപനയ്ക്ക് വീണ്ടും വിലക്ക്
തിരുവനന്തപുരം: കോവിഡ് പ്രതിരോധത്തിന്റെ ഭാഗമായി സംസ്ഥാനത്ത് വഴിയോര മത്സ്യ വിൽപനയ്ക്ക് വീണ്ടും വിലക്കേര്പ്പെടുത്തി. വഴിയോരക്കച്ചവടം നടത്തുന്ന കച്ചവടക്കാര് തദ്ദേശ സ്ഥാപനങ്ങളുടെ നിയന്ത്രണത്തിലുള്ള മാര്ക്കറ്റുകളിലേക്ക് മാറണമെന്ന് മന്ത്രി ജെ. മേഴ്സിക്കുട്ടിയമ്മ അറിയിച്ചു. കോവിഡ് പ്രതിരോധ പ്രവര്ത്തനത്തിന്റെ ഭാഗമായാണ് നിര്ദേശം. തദ്ദേശവകുപ്പുമായി നടത്തിയ ചര്ച്ചയുടെ അടിസ്ഥാനത്തില് ചന്തകള് തുറക്കാനും തീരുമാനമായി. ഏതെങ്കിലും സ്ഥലത്ത് പുതുതായി വിപണന കേന്ദ്രം വേണമെങ്കില് ഗ്രാമ-ബ്ലോക്ക്-പഞ്ചായത്തുകള്ക്ക് സാഹചര്യം വിലയിരുത്തി തീരുമാനമെടുക്കാം. ഏതെങ്കിലും ചന്തകള് തുറക്കുന്നില്ലെങ്കില് അക്കാര്യം ബന്ധപ്പെട്ടവരുടെ ശ്രദ്ധയില്പ്പെടുത്തണമെന്നും മന്ത്രി അറിയിച്ചു.
Read More