കേരളത്തിലാകെ ബി.എസ്.എൻ.എൽ വഴി 4G സേവനം ആരംഭിക്കാൻ വേണ്ട ഇടപെടൽ ഉണ്ടാകണമെന്ന് ആവശ്യപ്പെട്ട് പ്രധാനമന്ത്രി ശ്രീ. നരേന്ദ്ര മോഡിയ്ക്ക് മുഖ്യമന്ത്രി കത്ത് നൽകി.

4G നെറ്റ്വർക്ക് കേരളത്തിൽ നൽകുന്നതിനു വേണ്ടി ബി.എസ്.എൻ.എൽ കേരള അവരുടെ മുഖ്യ കാര്യാലയത്തോട് അനുമതി ചോദിച്ചതിന്റെ ഫലമായി 700 4G ബേസ് ട്രാൻസീവർ സ്റ്റേഷനുകൾ സ്ഥാപിക്കാൻ പോകുന്നതായി അറിയാൻ സാധിച്ചിട്ടുണ്ട്. എങ്കിലും, അവ സംസ്ഥാനത്ത് നിലനിൽക്കുന്ന ആവശ്യകത നിറവേറ്റാൻ പര്യാപ്തമല്ല. കോവിഡ് കാലത്ത് വേഗതയുള്ള ഡാറ്റാ ട്രാൻസ്മിഷൻ സാധ്യമാകാത്തതിനാൽ വലിയ ബുദ്ധിമുട്ട് ജനങ്ങൾക്ക് നേരിടേണ്ടി വന്നിട്ടുണ്ട്. നോളജ് എകണോമി എന്ന നിലയിൽ കേരളത്തിന്റെ വളർച്ചയ്ക്കും ഈ മാറ്റം വളരെ അനിവാര്യമായിരിക്കുകയാണ്.

ഇക്കാര്യങ്ങളെല്ലാം പരിഗണിച്ചു കൊണ്ട് ഈ പ്രതിസന്ധി പരിഹരിക്കേണ്ടത് അടിയന്തര ആവശ്യമായി പരിഗണിക്കണമെന്ന് പ്രധാനമന്ത്രിയോട് അഭ്യർത്ഥിച്ചു.-മുഖ്യമന്ത്രിവ്യക്തമാക്കി