യു​ഡി​എ​ഫി​ൽ പാ​ളി​ച്ച​ക​ൾ ഉ​ണ്ടാ​യി: ചെന്നിത്തല

തിരുവനന്തപുരം: തദ്ദേശ തെരഞ്ഞെടുപ്പില്‍ യുഡിഎഫിൽ പാളിച്ചകളുണ്ടായിട്ടുണ്ടെന്ന് തുറന്ന് സമ്മതിക്കുന്നതായി പ്രതിപക്ഷ നേതാവ് രമേശ് ചെന്നിത്തല. വര്‍ധിത വീര്യത്തോടെ പോരാടും. പാളിച്ചകള്‍ പരിശോധിക്കും. ഈ തെരഞ്ഞെടുപ്പിലെ നേരിയ വിജയം കൊണ്ട് സര്‍ക്കാരിന്റെ എല്ലാ അഴിമതികളും വെള്ളപൂശാനാവില്ല. മാധ്യമങ്ങള്‍ കാര്യങ്ങള്‍ കണ്ണുതുറന്നുകാണണം. തങ്ങള്‍ വിജയത്തില്‍ അഹങ്കരിച്ചിട്ടില്ല. അഹങ്കരിക്കുന്ന മുഖ്യമന്ത്രിയെയും മുന്നണിയെയുമാണ് കാണുന്നതെന്നും അദ്ദേഹം യുഡിഎഫ് യോഗത്തിന് ശേഷം പറഞ്ഞു.

ഇന്നത്തെ രാഷ്ട്രീയ സാഹചര്യത്തില്‍ അനുസരിച്ച് വിജയം പ്രതീക്ഷിച്ചിരുന്നു. അത് ലഭിച്ചില്ല എന്നതില്‍ വിഷമമുണ്ട്. കോവിഡ് പശ്ചാത്തലത്തില്‍ ക്യാമ്പയിനുകള്‍ക്ക് പരിമിതിയുണ്ടായിരുന്നു. പ്രതിപക്ഷ കക്ഷി എന്ന നിലയില്‍ യുഡിഎഫിന് പല രംഗങ്ങളിലും പരിമിതികളുണ്ടായിരുന്നു. കേരളത്തിന്റെ പൊതു രാഷ്ട്രീയം പ്രതിഫലിപ്പിക്കാന്‍ ഈ തെരഞ്ഞെടുപ്പിന് സാധിച്ചില്ല എന്നും അദ്ദേഹം പറഞ്ഞു.

മു​ഖ്യ​മ​ന്ത്രി​യു​ടെ നി​ല​വാ​രം ഇ​ല്ലാ​യ്മ​യാ​ണ് മു​ഖ്യ​മ​ന്ത്രി​യു​ടെ ഫേ​യ്സ്ബു​ക്ക് പോ​സ്റ്റെ​ന്നും ചെ​ന്നി​ത്ത​ല പ​റ​ഞ്ഞു. കോ​ൺ​ഗ്ര​സി​ന്‍റെ കാ​ര്യ​ത്തി​ൽ മു​സ്ലിം ലീ​ഗ് ഇ​ട​പെ​ട്ടി​ട്ടി​ല്ല. ഇ​ത് ചീ​പ്പാ​യി​പ്പോ​യി.

മു​ഖ്യ​മ​ന്ത്രി സ്ഥാ​ന​ത്തി​രു​ന്ന് ചെ​യ്യാ​ൻ പാ​ടി​ല്ലാ​ത്ത​താ​ണ് ഇ​ത്. കേ​ര​ള​ത്തി​ലെ ജ​നം ഇ​ത് മ​ന​സി​ലാ​ക്കും. ശ​രി​യാ​യ രീ​തി​യി​ൽ ജ​നം ഇ​തി​ന് മ​റു​പ​ടി ന​ൽ​കും. ത​ങ്ങ​ളു​ടെ മു​ന്ന​ണി​കാ​ര്യം ത​ങ്ങ​ൾ തീ​രു​മാ​നി​ച്ചോ​ളാം, പി​ണ​റാ​യി​യു​ടെ ഉ​പ​ദേ​ശം വേ​ണ്ടെ​ന്നും അ​ദ്ദേ​ഹം പ​റ​ഞ്ഞു.

അതേസമയം, തെരഞ്ഞെടുപ്പ് തോല്‍വിയെ കുറിച്ചുള്ള വിഷയങ്ങളില്‍ കോണ്‍ഗ്രസില്‍ പരസ്യ പ്രസ്താവന വിലക്കി. സംസ്ഥാനത്തിന്റെ ചുമതലയുള്ള ജനറല്‍ സെക്രട്ടറി താരിഖ് അന്‍വറാണ് പരസ്യ പ്രസ്താവന വിലക്കാന്‍ നിര്‍ദേശിച്ചത്.

ചെ​ന്നി​ത്ത​ല​യ്ക്കു പു​റ​മേ മു​ല്ല​പ്പ​ള്ളി രാ​മ​ച​ന്ദ്ര​ൻ, എം.​എം. ഹ​സ​ൻ, പി.​കെ. കു​ഞ്ഞാ​ലി​ക്കു​ട്ടി, ഉ​മ്മ​ൻ ചാ​ണ്ടി, മോ​ൻ​സ് ജോ​സ​ഫ് തു​ട​ങ്ങി​യ​വ​ർ വാ​ർ​ത്താ​സ​മ്മേ​ള​ന​ത്തി​ൽ പ​ങ്കെ​ടു​ത്തു.